Хуыты африкæйаг емынæ кæй апарахат, уый фæдыл Хуссар Ирыстоныл Россельхознадзор цы арæнтæ сæвæрдта, уыдон ист нæма æрцæудзысты, – фехъусын кодта журналисттæн республикæйы паддзахадон ветеринарон æмæ фитосанитарон цæстдарды службæйы къухдариуæггæнæг Мæргъиты Алан.
«Хуыты африкæйаг емынæйы низ кæй сытынг, уый тыххæй бар нæй хуыйы фыдæй продукци ласын республикæйæ æддæмæ, афтæ ма ласæн нæй бахчæйон культурæтæ дæр», – загъта журналисттæн Мæргъийы фырт.
Йæ ныхæстæм гæсгæ, 2018 азы хуыты африкæйаг емынæ фæзынд Знауыры ра-йоны, фæлæ Хуссар Ирыстоны ветеринарон специалисттæн сæ къухы бафтыд низ парахат кæнын æруромын. Чи амард, уы-цы хуытæ та утилизаци æрцыдысты. 2018 азы хуыты африкæйаг емынæйæ амард 160 сæры онг.
«Баконд æрцыд карантин, уагъд æрцыдысты карантинон мадзæлттæ. Ацы районæй æддæдæр низ нæ апарахт ис. Емынæ иуварс æрцыд. Ацы аз ахæм цаутæ нæ уыд. Махæн нæ бон у низы ныхмæ тох кæнын. Республикæйы территорийыл эпизоотикон уавæр абоны бон у стабилон», – загъта Мæргъиты Алан.
Comments are closed, but trackbacks and pingbacks are open.