РХИ-йы Хицауады Сæрдар Пухаты Эрикы сæрдариуæгадæй уагъд æрцыд Хицауады рабадт. Хицауады уæнгтæ цы дыууæ фарстмæ æркастысты, уыдонæй фыццаг уыдис «2020 азæн республикæ Хуссар Ирыстоны паддзахадон бюджеты тыххæй» РХИ-йы закъоны проект.
Хицауады Сæрдары ныхæстæм гæсгæ, сæйраг финансон документы сæрмагонд хъусдард здæхт æрцыд экономикон рæзт ифтонг кæнынæн уавæртæ саразын, хи æфтиæгтæ фылдæр кæнын, экономикæйы реалон сектор рæзын кæнын æмæ республикæмæ инвестицитæ æрбакæнынмæ. Уый ма æрæмбырдуæвджыты хъусдард аздæхта паддзахадон фæрæзтæ рационалонæй хардз кæныны фарстмæ, зæгъгæ сæ, гæнæн уæвгæйæ хъæуы хæдзардзинæй пайда кæнын.
Фарсты фæдыл раныхас кодта Финансты министр Хæбæлаты Азæ. Уый куыд фехъусын кодта, афтæмæй 2020 азæн паддзахадон бюджеты æфтиæгты хай бæлвырд æрцыд 7 515 888,02 мин сомæй, Уæрæсейы Федераци Хуссар Ирыстонæн цы финансон æххуыс кæны, уый гуырахсттæ хынцгæйæ. Уæрæсейы Федераци цы финансон æххуыс кæны, уый бюджеты проектты нысан цæуы 6160 400 мин сомæй.
Паддзахадон бюджеты РХИ-йы æфтиæгтæ, министры ныхæстæм гæсгæ, план цæуынц 1355 488 мин сомы æмæ уый та æфтиæгты иумæйаг гуырахсты у 18 проценты. 2020-2022 азтæн республикæйы социалон-эконо-микон рæзтæн ахъазгæнæг Инвестицион программæ реализаци кæнынæн Уæрæсе хицæн кæны 1500000 мин сомы.
Министры ныхæстæм гæсгæ, бюджет традицион æгъдауæй здæхт у социалон фарстытæ скъуыддзаг кæнынмæ, æфтиæгтæ æмæ хæрдзты бæрæггæнæнты æхсæн балансмæ.
2020-2022 азтæн Республикæ Хуссар Ирыстоны социалон-экономикон рæзтæн ахъазгæнæг Инвестицион программæ хынцгæйæ 2020 азæн РХИ-йы паддзахадон бюджеты план цæуы национ экономикæ рæзын кæнын 808369,18 мин сомы, цæрæнуатон коммуналон хæдзарадæн – 1136899,06 мин сомы, ахуырад æмæ зонадæн – 1173465,89 мин сомы, культурæйæн – 141 167,84 мин сомы, æнæниздзинад хъахъхъынæн 575685,04 мин сомы æмæ афтæ дарддæр.
Хицауады уæнгтæ æмхъæлæсæй райстой 2020 азæн РХИ-йы Паддзахадон закъоны проект.
Уый æрвыст æрцæудзæн республикæйы Парламентмæ æркæсынмæ.
Рабадты дыккаг фарст уыдис РХИ-йы Хицауады резервон фондæй æхцайы фæрæзтæ рахицæн кæныны тыххæй.
Райстæуыд уынаффæ, цæмæй Хицауады резервон фондæй информаци æмæ мыхуыры паддзахадон комитетæн рахицæн æрцæуа 76263 сомы Республикæ Хуссар Ирыстоны паддзахадон хицауиуæгады æххæстгæнæг органты нормативон актты радон бюллетень рауадзыны тыххæй
БЕСТАУТЫ Валя
Ацы æрмæджытæ дæр бакæс:
Боны фæткы – ахсджиаг фарстатæ
Тыбылты Леонид: «Алчидæр хъуамæ сæххæст кæна йе ‘мбæстагон хæс»
РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй
Боны фæткы – æндæр æмæ æндæр фарстытæ
Сæйраг фарст — 2015 азæн РХИ-йы Паддзахадон бюджеты сæххæсты тыххæй
Comments are closed, but trackbacks and pingbacks are open.