Эксперттæ: НАТО-мæ Гуырдзыстоны бацыд Хуссар Ирыстоны бацырен кæндзæн УФ-йы скондмæ бацæуынмæ

Гуырдзыстон НАТО-йы уæнг куы суа, уæд уый гæнæн ис, æмæ Хуссар Ирыстоны сразæнгард кæна Уæрæсейы Федерацийы скондмæ бацæуынмæ. Уый тыххæй дыццæджы, Хуссар Ирыстоны гæрзифтонг конфликты райдианыл 10 азы сæххæсты хæдразмæ ТАСС-ы уацхæссæгимæ ныхас кæнгæйæ, радзырдтой эксперттæ.

Хæдбар паддзахадты æмæхсæнады институты директоры хæдивæг Владимир Евсеевы ныхæстæм гæсгæ, Гуырдзыстон НАТО-йы скондмæ куы бацæуа, уæд «уыцы къахдзæф, гæнæн ис, Хуссар Ирыстоны бацырен кæна Уæрæсейы Федерацийы скондмæ бацæуынмæ, уый та республикæйæн уыдзæн оптималон вариант», – ахæм у эксперты хъуыды.

Ахæм хъуыдыйы фарс хæцы Стратегион иртасынæдты уæрæсейаг институты сæйраг зонадон кусæг Сергей Ермаков. Йæ хъуыдымæ гæсгæ, Гуырдзыстон æмæ Цæгататлантикон альянсы ‘хсæн æмархайдтыты, активондзинад, гæнæн ис, Хуссар Ирыстон æмæ Абхазы хицауиуæгадты бацырен кæной республикæты Уæрæсейы Федерацийы скондмæ бацæуынмæ, фæлæ нырма ууыл дзурынæн раджы у.

«Æз афтæ хъуыды кæнын, æмæ Гуырдзыстон æмæ НАТО-йы активон æмархайды фактор кусы ууыл, цæмæй республикæтæ æркæсой Уæрæсейы скондмæ бацæуыны фарстмæ дæр. Æмбæрстгонд куы уа, зæгъгæ, Гуырдзыстонæн цавæрдæр программæ лæвæрд æрцыд, уæд ацы фарст реалонæй уыдзæн актуалон, – банысан кодта аналитик. – Уæд Абхаз æмæ Хуссар Ирыстоны политикон элитæтæ ахъуыды кæндзысты, Мæскуыимæ бастдзинæдтæ куыд сфидар кæной, æмæ Уæрæсейæ æдасдзинады гарантитæ куыд райсой, ууыл, уыцы нымæцы, цавæрдæр ассоциациты, æдасдзинады регионалон æмæ субрегионалон структурæтæ саразынæй, гæнæн ис, æмæ фæндон бахастæуа Уæрæсейы скондмæ бацæуыны процессы тыххæй». «Фæлæ нырма лæууы æндæрхуызон фарст, æмæ абоны бон дзырд ууыл нæма цæуы», – фæндвидарæй зæгъы ныхас-гæнæг.

Ермаковы хъуыдымæ гæсгæ Гуырдзыстонæн æнцон нæ уыдзæн формалонæй НАТО-йы скондмæ бацæуын, уымæн æмæ бæстæйы ныртæккæйы уавæр, ома, бæстæ æрмæстдæр баиугæнды партнер кæй у, уый цæуы альянсы уæнгтæй бирæты æмæ йæ къухдариуæгады зæрдæмæ.