Уырыссаг æвзаджы ахуырады гом центр бакодта развæлгъау хатдзæгтæ сæ архайды тыххæй æмæ фехъусын кодта фæззæджы куысты пълан. Ленингоры районы ацы центр арæзт æрцыд Армавираг паддзахадон педагогон университеты (Уæрæсейы Федерацийы) инициативæмæ гæсгæ. Уагдон æнтыстджынæй скусын кодта сывæллæттæн уырыссаг æвзаджы фæдыл æнæаргъ курсытæ ауадзын, афтæ ма ауагъта цалдæр культурон-рухсадон мадзалы. Сæ пъланмæ гæсгæ центры рауагъдонтæ азы кæрон суыдзысты Хуссар Ирыстоны 300 æмбæстаджы.
Ленингоры районы цæрджыты зынгæ хай кæй нæ зонынц уырыссаг æвзаг, уымæ гæсгæ центры ахуырадон программæйы акцент арæзт у алыгъуызон æмвæзады æвзагон курсытыл. Равзарæн ис куыд райдиан æмвæзады курсытæ. Уым ахуырдзауы зонгæ кæнынц уырыссаг æвзаджы бындуртимæ, афтæ размæдзыд программæтæ, кæдон сты фидæнмæ уæрæсейаг уæлдæр ахуыргæнæндæттæм ахуырмæ чи цæуы, уыдонæн.
Скъоладзаутæн арæзт æрцыд ахуыры программæ «Культура речи: ивгъуыд, абон æмæ фидæн»-æй: сывæллæтæ базыдтой ног мидистæ, кæцытæ баст сты дзырд «скъола»-имæ уырыссаг æмæ ирон æвзæгтыл, радзырдтой абоны скъолайы сæ уарзон предметтæ æмæ нынныв кодтой фидæны скъола. Программæ «Примерение цифровых инструментов при проектировании современного урока на русском языке»-йы фæлгæтты хъусджытæ базонгæ сты электронон ахуырадон системæтæ æмæ платформæтимæ, графикæимæ кусыны сервистимæ æмæ æндæртимæ. Хъусджытæ нысан кæнынц информацийы нырыккондзинад æмæ хъæздыгдзинад, æвæрццагæй аргъ кæнынц курсыты организаци æмæ мидисæн, ахуыргæнджыты куыст нымайынц хорзыл.
Уырыссаг æвзаджы фæдыл курсытæй дарддæр ма центр уадзы бирæнымæц культурон-рух-садон мадзæлттæ. Уыдоны нымæцы: тымбыл фынгтæ уырыссаг æвзаг фæсарæйнаджы хуызæн чи дæтты, уыцы ахуыргæнджытæн, тематикон мастер-кълæстæ иумæ кæсынæн, уырыссаг æвзагыл киноравдыстытæ, классикон æмæ нырыккон литературæйæ уроктæ. Мадзæлтты актуалон номхыгъд фенæн ис ахуырадон проекты сайтыл.
Проект реализаци цæуы УФ-йы Рухсады министрады æххуысæй.
