Ленингоры район республикæйы центрмæ дæрддзæф кæй у, уымæ гæсгæ ис сæрмагонд хъусдарды бын. Уæлдай хъусдард здæхт æрцыд районы рауагъдонтæм дæр, уыдон дæр хайад райстой, рауагъдонтæн нæ горæты цы бал организаци æрцыд, уым. Фæстæмæ здæхтысты стыр æхцон æнкъарæнтимæ, кæд гуырдзиаг рауагъдонтæ уадиссаг нæ хæццæ кодтой се ‘мцахъхъæнтимæ, уæддæр. Уыцы изæр уыдон баззадысты горæты скъола-интернаты æмæ сын дыккаг бон районы администрацийы бæстыхайы фембæлд уыд Паддзахадон Æдасдзинады комитет æмæ Ахуырады министрады минæвæрттимæ. Хайад ма дзы райстой сæ ахуыргæнджытæ æмæ ныййарджытæ дæр. Ленингоры район республикæйы центрмæ дæрддзæф кæй у, уымæ гæсгæ ис сæрмагонд хъусдарды бын. Уæлдай хъусдард здæхт æрцыд районы рауагъдонтæм дæр, уыдон дæр хайад райстой, рауагъдонтæн нæ горæты цы бал организаци æрцыд, уым. Фæстæмæ здæхтысты стыр æхцон æнкъарæнтимæ, кæд гуырдзиаг рауагъдонтæ уадиссаг нæ хæццæ кодтой се ‘мцахъхъæнтимæ, уæддæр. Уыцы изæр уыдон баззадысты горæты скъола-интернаты æмæ сын дыккаг бон районы администрацийы бæстыхайы фембæлд уыд Паддзахадон Æдасдзинады комитет æмæ Ахуырады министрады минæвæрттимæ. Хайад ма дзы райстой сæ ахуыргæнджытæ æмæ ныййарджытæ дæр.
Ленингоры районы уырыссаг æмæ гуыр-дзиаг иумиагахуырадон скъолаты ацы ахуыры азы кæрон скъолайæн хæрзбон зæгътой 22 рауагъдоны. Уыдонæй æхсæз сæ дарддæры уæлдæр ахуырад райсыны фæндон равдыстой Гуырдзыстоны территорийыл, æртæйæ – Уæрæсейы, иннæ рауагъдонтæ та равзæрстой Хуссар Ирыстоны Паддзахадон университет. Рауагъдонтæй иу ныртæккæ ис Уæрæсейы территорийыл, архайы спортæй æмæ фæндаг æхгæд кæй у, уымæ гæсгæ ис уым.
Ленингоры районы администрацийы ахуы-рады хайады сæргълæууæг Елойты Гамлет поселочы администрацийы раз махыл – информацион фæрæзты минæвæрттыл сæмбæлд райгондæй.
Фембæлды рæстæджы районы ахуырады хайады сæргълæууæг банысан кодта, алы рауагъдонæн дæр бар кæй ис, æмæ равзара, кæцы бæстæйы æмæ йæ цы уæлдæр ахуыр-гæнæндоны фæнды ахуыр кæнын, уый.
«Уый тыххæй æрæмбырд стæм абон дæр, цæмæй бамбарын кæнæм, Гуырдзыстоны уæлдæр ахуыргæнæндæттæм ацæуыны фæндондзинад кæмæ ис, уыдонæн ацæуыны æмæ фæстæмæ Республикæ Хуссар Ирыстонмæ æрбаздæхыны процедурæ. Дунейы цы æнæхайыры коронавирусы пандеми апарахат, уыцы уавæрты Хуссар Ирыстоны къухдариуæгад дæр, бæстæйы территорийыл ви-рус цæмæй ма апарахат уа, уый тыххæй фæндон рахаста, цæмæй республикæйы тер-риторийыл архайой фæкъуындæггонд мадзæлттæ», – дзырдта Гамлет.
Ахуырады хайады гæс бамбарын кодта, зæгъгæ, кæд æмæ рауагъдонтæн бæрæг аххосагмæ гæсгæ сæ ныййарджытæ ам не сты, уæд рауагъдонты закъонон минæвæрт-тæн бар ис æмæ ныффыссой куырдиат районы сæргълæууæджы номыл, цыран нысан кæнынц уæлдæр ахуыргæнæндон æмæ уæлдæр ахуырад райсыны тыххæй паддзахад. Уымæй дарддæр ма сæрмагонд фыстæг фыссынц уый тыххæй, æмæ Хуссар Ирыстонмæ фæстæмæ куы ‘рбаздæхой, уæд дыууæ къуырийы карантины нормæтæ кæй сæххæст кæндзысты, уый фæдыл. Уый æнæмæнг у республикæмæ алы æрбацæуæгæн дæр.
Елойты Гамлет дыууæ паддзахадон æвзагыл – ирон æмæ уырыссагау бамбарын кодта æнæмæнгхъæуæг домындзинæдтæ. Паддзахадон Æдасдзинады комитеты минæвæрттæ дæр, сæвзæргæ уавæртæм гæсгæ лæмбынæг информаци сарæзтой, зæгъгæ, алы адæймаг дæр йæхæдæг æвзары йæ фидæны професси, уæлдæр ахуыргæнæндон æмæ кæм ахуыр кæна, уыцы бæстæ.
Æдасдзинады минæвæрттæ ма банысан кодтой, цæмæй Гуырдзыстонмæ ацæуын кæй фæнды, уыдон иугæйттæй нæ, фæлæ иу къордæй ацæуой, кæд æмæ куыд, уый сæхæдæг равзарой, афтæмæй. Ацы къуыри ныййарджытæн сæ бон у æмæ ныффыссой куырдиæттæ, уый фæстæ бæстæйы къухдариуæгад райсдзæн уынаффæ сæ арвитыны фæдыл.
Ацы хъуыддагмæ ныййарджытæ равдыстой æмбаргæ ахаст. Рауагъдонтæй иуты хъомыл кæнынц сæ æнатæ, уыдон дæр райгондæй баззадысты район æмæ бæстæйы къухдариуæгады уынаффæйæ. Рауагъдонтæй иуты фæнд у уæлдæр ахуырад райсын Хуссар Ирыстон æмæ Гуырдзыстоны. Уыцы хъуыддаджы дæр сын ницы цæлхдуртæ ис, кæд сæ ахуыры рæстæг амоны, уæд.
Елойты Гамлет банысан кодта, ХИПУ-имæ сын кæй ис хæларадон ахастытæ æмæ бацархайдзысты, цæмæй сæ рауагъдонтæ суой университеты студенттæ. Гамлет раппæлыд рауагъдонтæй, уымæн æмæ сын хорз æнтыстытæ уыд ахуыры.
Йæ ныхæстæм гæсгæ районы Цъинагары зонæйы рауагъдонтæ се ‘ппæт дæр равзæрс-той Хуссар Ирыстоны Паддзахадон университет уæлдæр ахуырад райсынæн.
Дистанцион ахуыр уагъд цыд Ленингоры районы дæр
Ленингоры районы скъолатæ республикæйы æндæр ахуырадон уагдæтты æмрæнхъ фæстаг рæстæджы ахуыр кодтой дистанцион æгъдауæй. Районы дæрддаг хъæуты интернеты бастдзинад бынтон раппæлинаг нæу. Æмæ цæмæй ахуыры процесс ма æрлæууыдаид æмæ сывæллæттæ программæйæ фæстийæ ма баззадаиккой, уый тыххæй ахуыргæнджытæ цыдысты хъæуты скъолатæм æмæ-иу уым ныууагътой хæдзарон хæслæвæрдтæ.
Ленингоры районы ахуырады хайады сæргълæууæг ма нын куыд радзырдта, уымæ гæсгæ ма æввахс рæстæджы районы ахуыргæнджытæн уагъд æрцæудзæн компьютерыл архайыны фæдыл курсытæ, кæцыйæн уыдзæн æвæрццаг фæстиуджытæ.
Банысан кæнын хъæуы уый, æмæ рауагъдонтимæ ацы фембæлды кæй активон уыдысты уырыссаг скъолаты рауагъдонтæ, гуырдзиаг скъолайы рауагъдонтæн уыд бынтон æндæр ахаст фембæлды хайадисджытæм.
КЪÆБУЛТЫ М.
Comments are closed, but trackbacks and pingbacks are open.