ФÆСАРÆЙНАГ ÆВЗÆГТÆН – НОГ ÆМВÆЗАД
Фæсарæйнаг æвзæгты специалисттæ Ирыстоны бирæ ис, фæлæ уæддæр рагæй фæстæмæ дæр нæ фаг кæнынц профессионалон тæлмацгæнджытæ. Уыцы квалификаци райсын кæй фæнды, уыдонæн ныр фæзынд хорз фадат. Æрæджы ЦИПУ -йы байгом уæлæмхасæн ахуырады ног программæ: “Профессионалон цæттæдзинады къабазы тæлмацгæнæг”. Уый арæзт у, уæлдæр ахуырад чи райста, фæлæ фæсарæйнаг æвзæгтæй фылдæр зонындзинæдтæ райсын, æвзаг арфдæр банкъарын кæй фæнды, уыдонæн, стæй студенттæн. Курсыты фæстæ уыдонæн сæ бон уыдзæн æнæкъуылымпыйæ тæлмацгæнæджы къабазы кусын, публицистон, зонадон куыст кæнын, дунеон литературæ, стæй зонадон æрмæджытæ тæлмац кæнын.
Программæмæ гæсгæ фæсивæд ахуыр кæндзысты немыцаг, англисаг, францаг æмæ испайнаг æвзæгтæ. Ахуыр ахæсдзæн фондз семестры, къуыри дыууæ – æртæ хатты. Программæмæ гæсгæ ахуырад чи райса, уыдонæн лæвæрд цæудзæн ЦИПУ-йы диплом профессионалон коммуникацийы тæлмацгæнæджы квалификациимæ.
Нæ уацх.
Comments are closed, but trackbacks and pingbacks are open.