Республикæ Хуссар Ирыстоны Президент Бибылты Анатоли арфæйы тел арвыста УФ-йы Хицауады Сæрдар Дмитрий Медведевмæ йæ гуырæн боны цытæн.
Арфæйы телы дзырдæуы:
«Цытджын Дмитрий Анатолийы фырт!
Айс мын мæ иууыл зæрдиагдæр арфæтæ дæ гуырæн боны цытæн.
Фæлтæрд политик, иттæг хорз къухдариуæггæнæг уæвгæйæ, Ды фæд-фæдылонæй скъуыддзаг кæныс Уæрæсейы Федерацийы социалон-экономикон рæзты зын фарстатæ, де ‘ппæт хъарутæ нывонд кæныс Райгуырæн бæстæйæн лæггад кæнынæн.
Хуссар Ирыстоны адæм стыр аргъ кæнынц дæ политикон куырыхондзинад æмæ фæндвидардзинадæн, кæцытæ фæбæрæг сты, мах тыххæй хъысмæтскъуыддзаггæнæг уынаффæтæ куы рахастай, уæд.
Ныфс мæ ис, дæ хайадистæй хуссарирыстойнаг-уæрæсейаг æмцæдисон ахастытæ дарддæр дæр кæй фидар кæндзысты æмæ динамикон æгъдауæй кæй рæздзысты нæ бæстæты æфсымæрон адæмты хæрзиуæгæн.
Мæ цæст дын уарзы, цытджын Дмитрий Анатолийы фырт, фидар æнæниздзинад, фæрныгад æмæ æвидигæ энерги дæ паддзахадон архайды Стыр Уæрæсейы бирæнацион адæмы хæрзиуæгæн.
Comments are closed, but trackbacks and pingbacks are open.