Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты  дарддæр дæр арæзт цæуынц цæрæнуатон объекттæ, куыд горæты, афтæ республикæйы районон центрты дæр. Знауыры районы цы цæрæнуатон корпус арæзт цæуы, уымæн йæ проект у, иннæ районты  арæзтцæуæг корпусты проектты æнгæс.

Районы администрацийы сæргълæууæг Хуыбиаты Сосланы ныхæстæм гæсгæ  корпус арæзт цæуы поселочы центры, æрæджы эксплуатацимæ цы корпустæ æрцыдысты лæвæрд, уыдоны фарсмæ. Планмæ гæсгæ ацы бæстыхай арæзт хъуамæ фæуа азы кæронмæ.

Проектмæ гæсгæ ног бирæфатерон бæстыхайы уыдзæн æртæхатæнон фатертæ. Уыдон лæвæрд æрцæудзысты, æртæ кæнæ фылдæр сывæллонджын бинонтæй цæрæнуатмæ рады чи лæууы, ахæм бинонтæн. Уыцы бинонты та æвзардзæн къамис.

 Бæрæг куыд у, афтæмæй Инвестицион программæйы фæлгæтты æрæджы районы цæрджытæй ног цæрæнуат райстой аст бинонтæ.

Ацы æрмæджытæ дæр бакæс:

Инвестпрограммæйы æртыккаг аз: цахæм объекттæ сырæздзысты нæ республикæйы? Олег Говоруны кусæгон балц Хуссар Ирыстонмæ Дарддæр арæзт цæуы операцион-хирургион корпус гемодиализы центримæ Аивгъуыйгæ аз – æнтыстыты æмæ фидæнæй ныфсыты аз Лев Кузнецов: «Горæты арæзтцæуæг объекттæй иуæй-иутæ дзуапп нæ дæттынц æмбæлон нормæтæн»

Comments are closed, but trackbacks and pingbacks are open.