27 июны Хуссар Ирыстоны дæр фæсивæды боны цытæн ауагътой бæрæгбонон мадзал, кæцы нысан кæнынц 1958 азæй фæстæмæ июны мæйы фæстаг хуыцаубоны. Концерт уагъд æрцыд Театралон фæзуаты æмæ ардæм æрæмбырд ис бирæ фæсивæд. Ӕниу дзы фенæн уыд кардзыд адæм дæр, кæцытæ сæхи раирхæфстой ахæм рæсугъд бæрæгбонон концертмæ бакæсынмæ.
Мадзал бацæттæ кодта мæскуыйаг диджей Паша Кирилов æмæ дзы зарджытæ та сæххæст кодтой уæрæсейаг зарæггæнджытæ Batrai,Casyana, Timran, Hovanni, Zell æмæ зарджыты телеканал «9 Волна»-йы зынгæ артисттæ. Уымæй уæлдай ма дзы хайад райстой нæхи эстрадæйы артисттæ æмæ гимнази «Альбионы» кафджыты къорд дæр.
Ӕрæмбырдуæвджытæ æхцондзинад райстой ахæм хъæлдзæг мадзалæй æмæ ма концерт куы фæцис, уæддæр сæ нæ фæндыд хæдзæрттæм ацæуын.
ДЖИОТЫ Алыксандр
Comments are closed, but trackbacks and pingbacks are open.