Æрæджы тæрккъæвдатæ разиан кодтой Чъехы донхæргæнæн къанауæн Мæскуыйаг микрорайоны сæрмæ æмæ цалдæр боны дон нал цыд Цхинвал æмæ Знауыры районы хицæн хъæутæм. Уавæр æрбæстон кæныны тыххæй бынатмæ бацыдысты ПУК «Мелиораци»-йы (йæ директор – Хуыгаты Вадим) кусджытæ æд техникæ. Сæ хъаруджын архайды руаджы цыбыр рæстæгмæ къанауы цалцæггæнæн куыстытæ кæронмæ æххæст æрцыдысты. Дыууæ боны фæстæ дон хъуамæ рацыдаид, фæлæ та йæ уæлвæд Къостайыхъæуы æбæрæг æмбæстаг фыдаудæн ракодта къанауы иу хайæн æмæ дон фæкалд хъæуы иу уынгыл. Бахъуыд та цалцæггæнæн куыстытæ æххæст кæнын æмæ сæ рæстæгыл сæххæст кодтой. Куыддæр та дон рауадзыныл ахъуыды кодтой «Мелиораци»-йы кусджытæ, афтæ та базыдтой, Знауыры районы Гъуертеуы хъæуы дæр ахæм æнгæс куыстытæм кæй хъæуы æрæвналын. Кусджытæ ам дæр равдыстой хорз фердæхтдзинад æмæ уыцы бынаты дæр арæзтадонцалцæггæнæн куыстытæ ахицæн кодтой цыбыр æмгъуыдмæ æмæ сæ цæрджытæ баззадысты райгондæй. Уайдзæф кæнын та æмбæлы хицæн æнæрхъуыды адæймæгтæн, иумæйаг хъуыддагмæ куыдфæндыйы ахаст кæй дарынц, уый тыххæй.
Хуыбиаты Никъала
Comments are closed, but trackbacks and pingbacks are open.