Зынаргъ хæлæрттæ!
Арфæ уын кæнын æвзонгад, оптимизм, циндзинад, уарзондзинад æмæ хæлардзинады бæрæгбон – Фæсивæды боны цытæн!
Фæсивæды бон у æхсæнады иууыл активондæр, динамикондæр æмæ креативондæр хайы бæрæгбон. Фæсивæд алыхатт дæр сты æмæ уыдзысты æхсæнады ахсджиаг хæзна, йæ сæйраг потенциал æмæ сæрыстырдзинад. Уæ æгæрон энерги, энтузиазм, цардмæ æмæ зонындзинæдтæм тырнындзинад ахъаз кæнынц иууыл уæндондæр пълæнттæ æмæ бæрзæндтæ къухты бафтын кæнынæн. Фæсивæд хайад исынц бæстæйы æхсæнадон царды, йæ потенциал æвдисы социалон æмæ экономикон фадгуыты, сфæлдыстадон архайды. Сымах стут нæ республикæйы фидæн аразджытæ æмæ сымахыл бирæ бæрцæй баст у, цахæм уавæрты цæрдзыстæм сымах æмæ уæ сывæллæттæ.
Хуссар Ирыстоны фæсивæд активон хайад райстой Украинæйы сæрмагонд æфсæддон операцийы хайадисæг Ирыстоны хæстонтæн, зæххæнкъуыстæй хъыгдард баййафæг, Турчы æмæ Сирийы цæрджытæн гуманитарон æххуыс æрæмбырд кæныны. Уый тыххæй уын зæгъын бузныг.
Уырны мæ, уæ цард разæй ис, æнхъæлмæ уæм кæсы бирæ ног цы-мыдисаг ногдзинæдтæ æмæ фадæттæ, республикæйы хæрзиуæгæн банысангонд пълæнтты реализаци.
Мæ зæрдæ уын зæгъы, къухыбафтгæ æнтыстытыл ма æрлæууын, æууæндут уæ тыхтыл. Уадз, æмæ æппæт уæ бæллицтæ сæххæст уæнт. Æнæниздзинад, амонд, хорздзинад æмæ сабырад уæ хай уæт.
Республикæ Хуссар Ирыстоны Парламенты
Сæрдар Æлборты Алан
