Кӕронмӕ бахӕццӕ аппаратон-программон комплекс «Ӕдас горӕт»-ы арӕзтад. Фото ӕмӕ видеоафыссӕн камерӕтӕ райдыдтой фӕткхалӕн цаутӕ фиксаци кӕнын. Камерӕтӕ уындзысты ахӕм фӕткхалӕн цаутӕ, куыд светофоры сырх рухсыл ахизын, фӕндагон нысӕнттӕ фехалын, машинæ ӕнӕран бауромын, дӕ ныхмӕ цӕуӕг автомашинӕйы фӕндагмӕ рахизын, стыр тагъдадӕй скъӕрын ӕмӕ афтӕ дарддӕр. Уымӕй уӕлдай ма дзы ис афӕлгӕсӕн камерӕтӕ дӕр, кӕцытӕ контроль кӕндзысты уавӕр ӕхсӕнадон бынӕтты, бирӕ адӕм кӕмыты вӕййы, уымыты. Ӕппӕт информаци цӕудзӕн Фӕндагон змӕлды ӕдасдзинады управленийы сӕрмагонд хайадмӕ ӕмӕ уым бӕрӕг цӕудзысты фӕткхалджытӕ.
Паддзахадон автоинспекци сиды шофыртӕм, цӕмӕй фӕткойтӕм гӕсгӕ скъӕрой ӕмӕ уой цырддзаст. Уӕлдайдӕр та зымӕджы къӕсӕрыл фӕндӕгтӕ тӕссагдӕр вӕййынц ӕмӕ бахизын хъӕуы фыдбылызӕй дӕхи дӕр ӕмӕ бӕлццӕтты дӕр.
Джиоты Алыксандр
