Мидхъуыддæгты министры хæстæ æххæстгæнæг Пухаты Мерабы сæрдариуæгадæй уагъд æрцыд æрвылкъуырион оперативон рабадт ведомствойы къухдариуæггæнæг скондимæ.
Рабадты куысты хайад райстой министры хæдивджытæ, мидхъуыддæгты горæты æмæ районты управлениты хистæртæ, службæты æмæ дæлхæйтты къухдариуæггæнджытæ.
Рабадты рæстæджы ведомствойы сæргълæууæг банысан кодта, зæгъгæ, республикæйы санитарон-эпидемиологон уавæр æвзæрдæр кæны æмæ æдасдзинады мадзæлтты нысанæн фæтыхджындæр кæнын хъæуы коронавирусы профилактикæйы фæдыл мадзæлттæ ведомствойы дæлхæйтты.
«Хъæуы максималонæй дæлхæйтты дзыллон мадзæлтты нымæц фæкъаддæр кæнын. Службæйы хæсмæ гæсгæ æмбæстæгтимæ æдзухон контактты, кæцы кусджытæ сты, уыдон æнæмæнгæй хъуамæ пайда кæной индивидуалон хъахъхъæныны фæрæзтæй», – банысан кодта Пухаты Мераб.
Мидхъуыддæгты министрады сæргълæууæг бахæс кодта наркотикты æрзылды фæдыл контролы управленийы хистæрæн, цæмæй фæтыхджындæр кæна, наркотикон фæрæзтæй æнæзакъонæй чи пайда кæны, уыдоныл контроль.
Рабадты рæстæджы ведомствойы сæргълæууæг бахæс кодта дæлхæйтты хистæртæн, цæмæй бæрæг кæной, æнæзакъонæй хъæд чи цæгъды, уыцы адæймæгты æмæ сæ ныхмæ ист цæуой мадзæлттæ.
Рабадты хатдзæгтæм гæсгæ Пухаты Мераб радта конкретон хæстæ ведомствойы къухдариуæггæнæджы скондæн, кæцытæ здæхт сты сæ разылæууæг хæстæ эффективонæй сæххæст кæнынмæ.
Comments are closed, but trackbacks and pingbacks are open.