Гассеты Ибрагимы къухдариуæгадæй республикæйы хъахъхъæнынады министрады уагъд æрцыд рабадт, цыран æруынаффæ кодтой хъарагъулты æмæ постыты æфсæддон радгæсад хæссыны, æфсæддон дисциплинæ æмæ барадон фæтк хъахъхъæныны, æфсæддон æмæ мобилизацион цæттæдзинады мадзæлттыл, æмгъуыдон службæмæ æрсидты, æфсæддон хæйтты коронавирусы профилактикæйы фарстытыл.
Рабадты хайад райстой хъахъхъæнынады министры хæдивджытæ, хайадты æмæ службæты хистæртæ, дæлхæйтты командиртæ.
Хъахъхъæнынады министр докладтæм байхъусыны фæстæ бацамыдта, цæмæй уæлдай хъусдард здæхт æрцæуа æфсæддон радгæсад хæссыны мадзæлтты æппæт пункттæ дырысæй сæххæст кæнынмæ, уыцы нымæцы дæрддаг объектты дæр – позицимæ бауадзыны фæтк æмбæлонæй сæххæст кæнын, хъарагъулты раивын, хъахъхъæныны æмæ хъахъхъæнынады хъарагъулты организаци. Барадон фæтк чи фехала, уыцы æфсæддон службæгæнджытæ та конд цæудзысты бæрндзинадмæ æмæ сæ ныхмæ ист цæудзысты дисциплинарон æфхæрдтæ.
Рабадты рæстæджы ма æруынаффæ кодтой сæрдыгон рæстæгæн хатдзæгтæ скæныны фæдыл, зымæгон рæстæгмæ цæттæгæнæн куыстытæм æфсæдты бацæттæ кæныны фарстытыл. Хъахъхъæнынады министрæн ма фехъусын кодтой æфсæддон инфраструктурæйы объектты – казармæйон фонд, штабтæ, паркон æмæ æфтауцдæтты зонæты арæзтады æмæ оптимизацийы темпты тыххæй.
Афтæ æркастæуыд æфсæдты ног коронавирусон инфекци КОВИД-19 парахат кæнын ма бауадзыны фæдыл профилактикон мадзæлтты комплексы реализацийы фарстытæм дæр. Медицинон службæйы хистæр фехъусын кодта ныртæккæ дæлхæйтты æмæ иумæйагæй республикæйы уавæры тыххæй, дæлхæйтты вирус апарахат кæнын ма бауадзыны нысанæн æнæ-мæнгхъæуæг уæлæмхас мадзæлттæ райсыны тыххæй.
Comments are closed, but trackbacks and pingbacks are open.