Цхинвалы горæтгæрæтты цы ног электроэнергийы хахх цæуы, уый монтажгонд фæуыдзæн æртæ бонмæ. Уый тыххæй фехъусын кодта паддзахадон унитарон куыстуат «Энергоресурс – Хуссар Ирыстон»-ы генералон директор Къæбысты Ацæмæз.
Куыд радзырдта, афтæмæй фæстаг 2-3 мæйы дæргъы-иу электроэнерги арæх ахуыссыд микрорайонтæ Гафез, Царз æмæ Присы хъæуы, электроэнергийы ног хаххы арæзтады аххосæй.
«Æмбæлон куыстытæ æртæ бонмæ фæуыдзысты æмæ специалисттæ æрæвналдзысты электроэнергийы зæронд хаххы демонтажмæ. Уый фæстæ ацы куыстытæ се ‘ппæт дæр конд куы фæуой, уæд ацы микрорайонты æмæ хъæуы электроны рухс нал схицæн кæндзысты, æхсæвæй-бонæй ифтонг уыдзысты электроны рухсæй», – фехъусын кодта гендиректор.
Къæбысты Ацæмæз банысан кодта, зæгъгæ, къуырисæры Гаглойты Хазбийы уынджы иу сахаты бæрц электроны рухс нæ уыд, 8-æм июны уынджы бæлæстæ кæй æхсæстой, уый аххосæй.
ИА Рес
