Анкарайы уагъд æрцыд «Art ‘ALAN»-ы нывкæнынады æмæ къамты равдыст. Æвдыст дзы æрцыдысты Цæгат æмæ Хуссар Ирыстоны хуызисджыты æмæ нывгæнджыты 23 куысты. Уыдоны ‘хсæн сты хуссарирыстойнаг ре-жиссер Кæсойты Аланы куыстытæ дæр. Афтæ ма Турчы алы горæттæй ирон фыдæлтæ кæмæн ис, ахæм 15 нывгæнæджы нывтæ, – хъусын кæны туркаг телерадиокомпании TRT.
Турчы столицæйы нырыккон аивæдты Центры гом цы экспозици æрцыд, уый йæ куыст фæци 12 февралы. Йæ аразæг у аланты Æп-пæтдунеон цæдис.
Равдыст гом кæныны церемонийы хайад райстой Анкарайы Уæрæсейы æмгуыст кæныны, зонад æмæ культурæйы центры минæварады къухдариуæггæнæг Энвер Шейхов. Афтæ ма Ирон-алайнаг культурон ассоциацийы минæвар Коцты Ирмæ.
Равдысты хайадисджытæ ссардтой Турчы Уæрæсейы минæвар Андрей Карловы рухс ном. Уымæн йæ цард аскъуыд лæгмарты къухæй.
Равдысты уазджытæн ма ирыстойнаг нывгæнджыты æмæ хуызисджыты куыстыты уæлдай уыд, режиссер Туаты Темина цы документалон фильм сарæзта, уымæ бакæсыны фадат. Æвдыст ма дзы æрцыд Джусойты Мураты нывæфтыд фильм «Рудник» æмæ æндæр цымыдисон фильмтæ.
Comments are closed, but trackbacks and pingbacks are open.