Ацы аз 25 майы Мæскуыйы Республикæ Хуссар Ирыстоны Хицауады Сæрдар Бекъойты Геннади æмæ Уæрæсейы Федерацийы Фæллойады министр Антон Котяков къухтæ æрфыстой паддзахадон æмæ муниципалон кусджытæн куыстмызд фæфылдæр кæныны тыххæй Суагъæйыл.

«Дыууæ фарсæрдыгæй бæрæг процедурæты рацæуыны фæстæ дæр ацы Сразыдзинад йæ тыхы бацæудзæн, Сразыдзинады цы категоритæ  нысан сты,уыдонæн куыстмызд фæфылдæр уыдзæн 2021 азы фыццæгæм январæй райсдзысты фæфылдæргонд мызды хицæндзинад бахынцгæйæ.

Хицауады Сæрдары ныхæстæм гæсгæ, дохтырты астæуккаг куыстмызд уыдзæн 52 298 сомы, астæуккаг медицинон персонал исдзысты 26-27 мин сомы, уæлдæр профессионалон ахуырады иумæйагахуырадон уагдæтты ахуыргæнджытæ – 54 мин сомы, уæлдæр профессионалон ахуырады иумæйагахуырадон æмæ зонадон уагдæтты зонадон кусджытæ исдзысты 52 мин сомы. Физикон культурæ æмæ спорты уагдæтты тренертæ æмæ ахуыргæнджытæ исдзысты 26 мин сомы.

«Акцент æвæрын астæуккаг куыстмызды формулировкæйыл, уымæн æмæ бæрæг критеритæм гæсгæ фыст цæудзæн куыстмызд, уый уыдзæн алыхуызон алы кусæгæн дæр», – загъта Хицауады Сæрдар.

Паддзахадон куыстмызд фæфылдæр кæныны тыххæй æмбæстагон службæгæнджытæн æввахс рæстæджы  цæттæ æрцæудзæн Сразыдзинады проект, кæцыйыл къухтæ фыст æрцæудзæн дыууæ къуырийы æмгъуыдмæ. Куыстмызд фæфылдæр уыдзæн Цæгат-Кавказы Федералон зылды 2017 азы æмвæзадмæ.

Кусджытæ, кæцытæ хауынц паддзахадон æмбæстагон службæмæ, куыстмызд райсдзысты ацы азы фыццæгæм январæй фæфылдæргонд мызд бахынцгæйæ.

Куыстмызды гуырахст ацы категорийæн баст уыдзæн куысты стажыл, чиныл æмæ æндæр зонæнтыл, кæцытæ фидар сты закъæттæ æмæ дæлзакъонон акттæй.

 

Ацы æрмæджытæ дæр бакæс:

Æруынаффæ кодтой РХИ æмæ УФ-йы ‘хсæн сразыдзинады сæххæст кæныны фарстытыл Пенсион ифтонгады системæ дарддæр дæр лæггад кæндзæн пенсиисджытæн Æруынаффæ кодтой ахсджиаг фарстытыл РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй Боны фæткы – æндæр æмæ æндæр фарстытæ

Comments are closed, but trackbacks and pingbacks are open.