Хуссар Ирыстойнаг æвзонг курдиатджын музыканттæ Зæгъойты Альмæ, Дудайты Константин æмæ Сослан систы национ костюм æмæ курдиаты дыккаг фестиваль «Моя Родина»-йы уæлахиздзаутæ. Ирон делегацийы къухдариуæггæнæг РХИ æмæ Республикæ Цæгат Ирыстон-Аланийы сгуыхт артисткæ, зынгæ оперон зарæггæнæг Амага Готтийæн та æппæтуæрæсейон æхсæнадон организаци «Офицеры России» саккаг кодта арфæйы фыстæг.

Гуырахсджын фестиваль, кæцы æрæмбырд кодта хайадисджыты Уæрæсейы Федерацийы алы къуымтæй, уагъд æрцыд Мæскуыйы 12-14 марты. Гала-концерт уыд фестивалы фæстаг бон.

«Нæ сывæллæттæ сæ курдиат, сæ рæсугъддзинад æмæ гуырыкондæй  тынг фæцыдысты хайадисджыты, сценæмæкæсджыты æмæ организаторты зæрдæмæ» – загъта Амага Готти.

Дудайты Сослан гуымсæгыл тынг хорз сæххæст кодта уацмыстæ æмæ райста «инструменталон жанры» номинацийы фестивалы лауреаты диплом.

Дудайты Константин æмæ Зæгъойты Альмæ та сæххæст кодтой ирон кафт национ рæсугъд уæлæдарæсы æмæ систы «таланты России»-йы конкурсы хореографийы номинацийы æмæ «Национальный костюм России»-йы конкурсы «этнографион костюм»-ы дипломанттæ.

Хуссар Ирыстоны фæсивæд конкурсы хайад райстой Амага Готтийы хъæппæрисы руаджы. Конкурсы фæстиуджытæм гæсгæ Зæгъойты Альмæйæн лæвæрд æрцыд сертификат «Рус-ская красавица-2018», Мæскуыйы апрелы мæйы уагъд чи цæудзæн, уыцы конкурсы хайад райсыны тыххæй. Хъахъхъæнынады министрады хаххыл æфсæддон дирижерты ахуырдзаутæ Дудайты Сослан æмæ Константин дæр райстой сертификаттæ.

Ацы æрмæджытæ дæр бакæс:

Default ThumbnailАРХАЙЫНЦ ИРОН АДÆМОН ТРАДИЦИТÆ ÆМÆ ÆГЪДÆУТТÆ СÆНДИДЗЫН КÆНЫНЫЛ Дыууæ фестивалы – кæрæдзийы фæдыл «ÆГАС ДУНЕ – ТЕАТР» Уагъд æрцыд «Хонгæ кафт»-ы фестиваль-конкурс Культурæ – нацийы цæсгом

Comments are closed, but trackbacks and pingbacks are open.