РХИ-йы культурæйы министрады цур Адæмон сфæлдыстады республикон центр æвæллайгæ куыст кæны ирон адæмон традицитæ æмæ æгъдæуттæ сæндидзын кæныныл. Ацы Центры кусджытæ сæ директор Гуыцмæзты Эльзæйы сæргълæудæй æрвылаз дæр ауадзынц цалдæргай фестиваль-конкурстæ. Фæлæ 2020-2021 азты æнæхъæн дунейы, уыцы нымæцы Хуссар Ирыстоны дæр коронавирусон инфекци кæй апарахат, уый бандæвта куыд æппæт фадгуытыл, афтæ культурæйы къабазыл дæр æмæ уыцы рæстæджы уагъд цы мадзæлттæ хъуамæ æрцыдаиккой, уыдон бакъуылымпы сты. Фæлæ та ныр Адæмон сфæлдыстады республикон центр уæхскуæзæй æрæвнæлдта æрвылазон фестивалтæ ауадзынмæ. Центры директор Гуыцмæзты Эльзæйы ныхæстæм гæсгæ фестиваль-конкурстæ хъуамæ уагъд æрцæуой ацы азы кæронмæ.
Уагъд æрцæудзысты ахæм фестиваль-конкурстæ: 1. 4-æм республикон фотоконкурс «Южная Осетия – 2021». 2. 4-æм республикон нывты равдыст «Остановись, мгновение, ты родное». 3. Осетинские народные игры и танцы. 5. Эстрадон зарæджы 3-æм республикон фестиваль-конкурс «Голоса Осетии». 6. Бинонты коллективты 4-æм республикон фестиваль-конкурс «Семья – созвездие талантов». 7. Адæмон кафты 4-æм республикон фестиваль-конкурс «Ирон кафт».
Фестиваль-конкурсты нысан у цæрджыты хæдбындур национ адæмон культурæ æмæ фольклорон традицитыл цайдагъ кæнын. Цæрджыты æппæт фæлтæртæ бæрæгбоны активон хайад райсынмæ æрбакæнын. Фæлтæрты фæдфæдылдзинад бахъахъхъæнын. Адæмон хъæзтыты пропагандæ æмæ сæндидзын кæнын. Адæмон хъæзтыты конкурс уагъд æрцæуы æмæ ныр дæр уыдзæн Сталины уынджы Хетæгкаты Къостайы цырты раз. Адæмон хъæзтыты хайад райсын сæ бон у, кæй фæнды, уыдонæн се ‘ппæтæн дæр, уыцы нымæцы Хуссар Ирыстоны уазджытæн дæр кармæ нæ кæсгæйæ. Сценаримæ гæсгæ адæмон хъæзтыты уыдзæн «Лæгты дугъты хъазт», «Порти хæссынæй хъазт», «Къæбæлæй хæцыны хъазт», «Сы-нæгæй хъазт», «Ус курынтæй кафт». Æппæт мадзæлттыл къухдариуæгад кæндзæн «чегъре. Адæм афтæ хуыдтой дзыллон хъæзтыты къухдариуæггæнæджы. Уæлахиздзаутæ хорзæхджын æрцæудзысты призтæй.
Фтоконкурс уагъд æрцæудзæн Ана-харсисы номыл республикон библиотекæйы кæсæн залы, кæцыйы хайад райсын сæ бон у, нывтæ исын чи уарзы, уыдонæн, кармæ, кæм цæры æмæ цы архайы, уымæ нæ кæсгæйæ. Нывтæ хъуамæ уой оригиналон бæрцы, фæлæ А4 форматæй къаддæр ма хъуамæ уой. Бар нæй Интернетæй райсгæ ныв æрбавдисынæн. Нывтимæ хъуамæ уа фотоконкурсы хайадисæджы анкетæ.
Адæмон кафты республикон 4-æм фестиваль-конкурсы нысæнттæ сты адæмон хореографийы рæзт, пропагандæ æмæ адæмон кафты традицитæ бахъахъхъæнын, республикæйы адæмы фыдыбæстæйон культурæйы æргъадтыл цайдагъ кæнын æмæ афтæ дарддæр. Сæххæстгонд программæйы рæстæг 10 минутæй фылдæр ма хъуамæ уа. Заявкæйы æнæмæнгхъæуæг у бацамонын ансамблы ном, коллективы æппæт хайадисджыты æххæст номхыгъд. Конкурсы номинацитæ сты: 1. «Зилгæ кафт» (иу къайæ 12 къайы онг, хæдархайгæ коллективтæ). 2. «Зилгæ кафт» (3 къайæ 12 къайы онг, скъола-студитæ).
Эстрадон зарæджы 3-æм республикон фестиваль-конкурс «Ирыстоны хъæлæстæ»-йы нысæнттæ сты РХИ-йы эстрадон аивады рæзт, æвзонг курдиæтты сбæрæг кæнын, ирон авторты эстрадон зарджыты пропагандæ æмæ а.д. Конкурсы номинацитæ сты: 1. Индивидуалон æххæсткæнынад. 2. Вокалон къорд. 3. ВИА. Æнæмæнгхъæуæг у заявкæ бадæттыны рæстæджы коллективы, индивидуалон æххæстгæнæджы, вокалон къорды алкæцы хайадисæджы æххæст ном æмæ кар бацамонын. Конкурсы фæткмæ гæсгæ æххæстгæнджытæ – соло, дуэттæ, трио, квартеттæ дыууæ зарæгæй фылдæр ма хъуамæ æрбавдисой, хорз уаид, зарджытæй сæ иуæн ирон автор кæнæ ирон адæмон зарæг бакуыстгондæй куы уа, уый.
Бинонты коллективты 4-æм республикон фестиваль-конкурс «Бинонтæ – курдиатты стъалыбардз»-ы нысæнттæ та сты бинонты сфæлдыстады руаджы æрбангом кæнын, курдиатджын би-нонты сбæрæг кæнын, бинонты культурон потенциалы рæзты æмæ бинонты активон æхсæнадон æмæ культурон архайдмæ æрбакæнын, фæлтæрты бинонты-хиуæтты бастдзинад сфидар кæнын, æнæниз, амондджын æмæ хæлар бинонты статус сфидардæр кæнын, бинонты æргъадты пропагандæ æмæ а.д. Фестивалы хайад исынц бинонты, бинонты-хиуæтты хæдархайгæ коллективтæ. Бинонты сфæлдыстадæн йæ бон у æрбавдисын академион вокал, эстрадон вокал, фольклор æмæ æндæртæ. Ирон адæмон массон кафт, солон кафт, фольклорон кафт. Æппæт хуызтæ дæр хъуамæ уой хæдархайгæ театралон сфæлдыстад.
Банысан кæнын хъæуы уый дæр, æмæ æрвылаз дæр фестиваль-конкурсты хайад кæй райсынц куыд нæ горæты цæрджытæ, афтæ не ‘взонг республикæйы алы районтæй дæр дæсгай хайадисджытæ. Ацы центры куысты фæрцы раргом æрцæуынц бирæ æвзонг курдиæттæ æмæ Ирыс-тон та курдиатджын адæмæй цух никуы уыд.
Фестивалты сæ бон хайад райсын у, кæй фæнды, уыдонæн се ‘ппæтæн дæр. Лæмбынæг информаци райсыны тыххæй æрбацæуын хъæуы Адæмон сфæлдыстады республикон центрмæ ахæм адресыл: Харебаты Исахъы уынг 51, Сывæллæтты республикон библиотекæйы бæстыхаймæ. Тел: 8929-804-98-88; 8929-810-70-21.
Уыимæ, Адæмон сфæлдыстады республикон центр ныридæгæн цæрджытæй исын райдыдта заявкæтæ. Табуафси, хайад райсут, фестиваль-конкурсты. Конкурсы хайадист фидаргонд цæуы, йæ организатортæ райсгæ заявкæты бындурыл цы хонæн гæххæттытæ арвитой, уыдонмæ гæсгæ.
ДЖИОТЫ Екатеринæ
Comments are closed, but trackbacks and pingbacks are open.