Республикæ Хуссар Ирыстоны Президенты Барамынд

1941-1945 азты Стыр Фыдыбæстæйон хæсты уæлахизыл 75 азы сæххæсты æмæ 1945 азы 24 июны Уæлахизы Парады цытæн Æфсæддон парад ауадзыны тыххæй

1941-1945 азты Стыр Фыдыбæстæйон хæсты Уæлахизыл 75 азы сæххæсты æмæ 1945 азы 24 июны Уæлахизы Парады цытæн, фашистон тыхæйисджытыл уæлахиздзауты байзæттагæн бузныджы ныхæстæ зæгъын, хæсты ветеранты егъау сгуыхтдзинад, хъайтардзинад æмæ удуæлдайдзинадæн кад кæныны тыххæй уынаффæ кæнын:

1. 2020 азы 24 июны 11 сахатыл горæт Цхинвалы Театралон фæзуаты ауагъдæуæд æфсæддон парад хæстон гæрзтæ æмæ æфсæддон техникæйæ спайда кæнгæйæ, сфидаргонд фæткмæ гæсгæ Стыр Фыдыбæстæйон хæсты советон адæмы уæлахизы официалон символ  –  Уæлахизы Тырысайæ спайда кæнгæйæ.

2. Республикæ Хуссар Ирыстоны Хъахъхъæнынады министрад сифтонг кæнæт æмæ бацæттæ кæнæт æфсæддон парад æмæ артиллерион салют.

3. 2020 азы 24 июнь нысан æрцæуæд æнæкусгæ боныл куыстмызд бахъахъхъæнгæйæ.

4. Ацы Барамынд йæ тыхы цæуы къух ыл æрфыссыны бонæй.

Республикæ Хуссар Ирыстоны

Президент БИБЫЛТЫ Анатоли

г.Цхинвал, 2020 азы 11 июнь

РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

Ирæтты геноциды амæттæгты Мысæн боны фыдох расидыны тыххæй

Хъынцъым кæнгæйæ æмæ ирæтты геноциды амæттæгты рухс номæн кад кæнгæйæ, уыдоны бинонтæн æмæ æввахс хиуæттæн мæсæллæйы ныхæстæ дзургæйæ, уынаффæ кæнын:

1. 2020 азы 20 июнь нымад æрцæуд Республикæ Хуссар Ирыстоны фыдохы боныл.

2. Фыдохы боны Республикæ Хуссар Ирыстоны территорийыл æруагъдæуæд Республикæ Хуссар Ирыстоны Паддзахадон тырысатæ.

3. Культурæйы уагдæттæн  æмæ Паддзахадон телерадиокомпани «Ир»-æн бахæсчындæуæт, цæмæй фыдохы бон ивд æрцæуой ирхæфсæн мадзæлттæ æмæ алæвæрдтæ.

4. Ацы Барамынд йæ тыхы цæуы къух ыл æрфыссыны бонæй.

Республикæ Хуссар Ирыстоны

Президент БИБЫЛТЫ Анатоли

г.Цхинвал, 2020 азы 11 июнь

РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

«Журнал «Русское слово в Южной Осетии»-йы Республикæ Хуссар Ирыстоны Кады грамотайæ схорзæхджын кæныны тыххæй»

Республикæ Хуссар Ирыстон æмæ Уæрæсейы Федерацийы адæмты ‘хсæн хæлардзинады æмæ æмгуыстады ахастытæ рæзын кæныны хъуыддагмæ хайбавæрды æмæ уырыссаг æвзаг æмæ культурæ парахат кæныны фæдыл активон архайды, уæрæсейаг адæмы хуыздæр традицитыл фæсивæды хъомыл кæныны тыххæй журнал «Русское слово в Южной Осетии» хорзæхджын æрцæуæд Республикæ Хуссар Ирыстоны Кады грамотайæ.

Республикæ Хуссар Ирыстоны

Президент БИБЫЛТЫ Анатоли

г.Цхинвал, 2020 азы 12 июнь

РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

Республикæ Хуссар Ирыстоны Паддзахадон хорзæхтæ радтыны тыххæй

Цæрджыты социалон хъахъхъæнынады фадыджы сæрмагонд сгуыхтдзинæдтæ æмæ бирæ азты дæргъы æнтыстджын фæллойы тыххæй уынаффæ кæнын:

1. «Республикæ Хуссар Ирыстоны Цæрджыты социалон хъахъхъæнынады сгуыхт кусæджы» кадджын ном лæвæрд æрцæуæд:

– Сиукъаты Наирæ Садулы чызгæн – Республикæ Хуссар Ирыстоны Æнæниздзинад хъахъхъæныны æмæ социалон рæзты министры хæдивæгæн;

– Гæззаты Фатимæ Леуаны чызгæн – Республикæ Хуссар Ирыстоны Цхинвалы районы Пенсион фонды хайады сæйраг специалистæн;

– Гасситы Индира Борисы чызгæн – Республикæ Хуссар Ирыстоны Дзауы районы Пенсион фонды хайады сæйраг специалистæн;

– Джусойты Иринæ Зауыры чызгæн – горæт Цхинвалы Администрацийы Цæрджыты социалон хъахъ-хъæнынады управленийы сæйраг бухгалтерæн;

– Кокойты Ритæ Зурабы чызгæн – горæт Цхинвалы Пенсион фонды хайады хистæрæн.

2. «Хуссар Ирыстоны адæмы Фыдыбæстæйон хæсты уæлахизыл 10 азы сæххæсты сæраппонд» майда-нæй

– Хъотайты Маринæ Ильяйы чызг – Республикæ Хуссар Ирыстоны Æнæниздзинад хъахъхъæныны æмæ социалон рæзты цæрджыты социалон хъахъхъæнынады хайады сæйраг специалист.

3. Республикæ Хуссар Ирыстоны Кады грамотæйæ

– Дзукъаты Бэлæ Никъалайы чызг – горæт Цхинвалы Администрацийы  цæрджыты социалон хъахъ-хъæнынады управленийы сæйраг специалист;

– Котолиты Нонæ Солтаны чызг – Республикæ Хуссар Ирыстоны Æнæниздзинад хъахъхъæныны æмæ социалон рæзты цæрджыты социалон хъахъхъæнынады хайады хистæр;

– Тедеты Георгийы Хъазбеджы фырт – Знауыры районы цæрджыты социалон хъахъхъæнынады хайады хистæр инспектор.

Республикæ Хуссар Ирыстоны

Президент БИБЫЛТЫ Анатоли

г.Цхинвал, 2020 азы 5 июнь

РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

Республикæ Хуссар Ирыстоны Паддзахадон хорзæхтæ радтыны тыххæй

Физикон æгъдауæй æмæ хæрзнамысон æнæниз фæсивæд хъомыл кæныны хъуыддагмæ сæрмагонд хайбавæрд æмæ бирæ азты дæргъы æнтыстджын фæллойы тыххæй хорзæхджын æрцæуæд Республикæ Хуссар Ирыстоны спорты ветерантæ.

1.Хæлардзинады Орденæй

–  Джалалова Александра Дмитрийы чызг.

2. «Хуссар Ирыстоны адæмы Фыдыбæстæйон хæсты уæлахизыл 10 азы сæххæсты сæраппонд» майданæй:

– Уалыты Лев Сосланы фырт;

– Кокойты Алихан Иосифы фырт;

– Цыбырты Хазби Иваны фырт.

3. «Республикæ Хуссар Ирыстоны Физикон культурæ æмæ спорты сгуыхт кусæджы» кадджын ном радтын:

– Чилæхсаты Зауыр Пирузы фыртæн;

– Мæргъиты Отар Никъалайы фыртæн.

Республикæ Хуссар Ирыстоны

Президент БИБЫЛТЫ Анатоли

г.Цхинвал, 2020 азы 5 июнь