РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

Ном «горæт Сталинир»-æй спайда кæныны тыххæй

Историон мысынад бахъахъхъæныны нысанæн æмæ 1941-1945 азты Стыр Фыдыбæстæйон хæсты Уæлахизыл 75 азы сæххæсты тыххæй, Республикæ Хуссар Ирыстоны Конституцийы 51-æм уацæй разамынд кæнгæйæ, уынаффæ кæнын:

1. Символы хуызы  «горæт Цхинвал»-имæ иумæ пайда цæуæт ном «горæт Сталинир»-æй, Республикæ Хуссар Ирыстон æмæ горæт Цхинвалы историйы  Стыр Фыдыбæстæйон хæсты мысæн бонтимæ баст республикон æмæ  горæтон мадзæлттæ уадзыны рæстæджы.

2. Бæрæг æрцæуæт  «горæт Цхинвал»-имæ иумæ пайдацæуæг ном «горæт Сталинир»-æй, Республикæ Хуссар Ирыстон æмæ горæт Цхинвалы историйы  Стыр Фыдыбæстæйон хæсты мысæн бонтимæ баст республикон æмæ  горæтон мадзæлттæ уадзыны рæстæджы ахæм бонты:

а) 9-æм майы – Уæлахизы бон;

б) 22 июнь – Стыр Фыдыбæстæйон хæсты райдайæн бон (1941 аз).

3. Республикæ Хуссар Ирыстоны министрадтæ æмæ ведомствотæ, афтæ ма горæт Цхинвалы администрацитæ уæлдæр банысангонд бонты сорганизаци кæнæд мадзæлттæ «горæт Сталинир»-ы ном спопуляризаци кæныны нысанæн.

4. Республикæ Хуссар Ирыстоны Информаци æмæ мыхуыры паддзахадон комитет уæлдæр банысангонд бонты сорганизаци кæнæт информацион кампанитæ, историон ном «горæт Сталинир» популяризацийæн æххуысæн, афтæ ма апарахат кæнæт мадзæлтты тыххæй информаци ацы барамынды 3-æм пунктмæ гæсгæ.

Республикæ Хуссар Ирыстоны Президент БИБЫЛТЫ Анатоли

г. Цхинвал,

2020 азы 27 апрель