Бæззаты Иналы Цхинвалы районы сæргълæууæгæй куы сæвæрдтой, уæд хъæуты цæрджытимæ арæхдæр æмбæлыны хæс йæхимæ райста. Цæмæй зонгæ кæна сæ проблемæтимæ æмæ уымæ гæсгæ нывæнда йæ дарддæры куыст. Ныридæгæн ын уыд цалдæр ахæм фембæлды. Адæм æрæмбырд вæййынц хъæуты администрациты агъуыстыты, байхъусынц кæрæдзимæ, уый фæстæ сбæрæг кæнынц цæрджытæ иууыл тынгдæр цæуыл тыхсынц æмæ дзы кæцы риссагдæр фарстатæн ис аскъуыддзаггæнæн, уый.
Ивгъуыд къуырийы иу ахæм фембæлды Сатихъары хъæуы хъæусоветы сæрдар Дыгъуызты Мераб сарæзта хыгъдон доклад.
Фыццаджыдæр адæм уым дзырдтой нуазыны доны проблемæтыл. Кæд алы афæдз дæр цалцæг æрцæуынц доны гуырæнтæ, уæддæр цæрджыты иу хай сæрдыгон бонты нуазыны донæй æййафы хъуагдзинад. Уыцы хъуыддаджы сæйрагдæр аххосаг та у иуæй-иутæ сæ цæхæрадæттæм дон кæй ауадзынц. Иуæй-иу хъæуты меллирацион къанаутæ бæстон сыгъдæг æрцыдысты, цæхæрадæттæм сæрибарæй рæхсы ныр донхæры дон æмæ нуазыны дон та цæуы хъæуы алы уынгмæ, алы адæймаг дæр дзы пайда кæна», – дзырдта Бæззаты Инал.
Хелцуайы хъæуы цæрджытæ районы сæргълæууæгæн рахъаст кодтой, нуазыны доны хъуагдзинад кæй æййафынц ахæм фарст, махæн, дам, дон нæй фаг, хæтæлтæ лыстæг кæй сты, уый аххосæй. Уый тыххæй дам, зæххыбын ныккалын хъæуы ставддæр хæтæлтæ. Ацы фарсты фæдыл Бæззайы фырт ныфс бавæрдта районы хыгъдыл æхцайы фæрæзтæ куы фæзына, уæд проблемæ кæй аскъуыддзаг кæндзæнис. Фæлæ, дам, ахæм куыстытæм бавналдзысты æрмæстдæр уалдзæджы. Уымæй уæлдай ма администрацийы сæргълæууæг ныфс бавæрдта, кæй архайдзæн хъæууон цæрджытæй зæххы куыстытæ бакæнын кæй фæнды, уыдонæн комфортон уавæртæ саразыныл.
УАЗÆГТЫ Марфа
