Республикæ Хуссар Ирыстоны Хицауады Сæрдар Пухаты Эрикы сæргълæудæй уагъд æрцыд санитарон-эпидемиологон къамисы рабадт, цыран уынаффæ кодтой антирабикон вакцинæты, ома æрранизы ныхмæ препаратты цухдзинадыл.
Уæвæг информацимæ гæсгæ, республикæйы хосгæнæн-профилактикон уагдæтты адæймагæн цы вакцинæ хъæуы, уый дефицит ис. Уыцы хъуыддаг баст у Уæрæсейы арæзтцæуæг иммунобиологон хостæ уæрæсейаг базары дæргъвæтин рæстæг кæй нал сты, уыимæ.
Къамисы рабадты рæстæджы куыд банысанчындæуыди, афтæмæй республикæйы антирабикон вакцинæ æмæ иммуноглобулины фæсауæрцты фылдæр хай бахардз ис.
«Цæрджыты антирабикон æххуыс хъуагæй ма ныууадзыны нысанæн скъуыддзаг æрцыд, цæмæй бахатæм уæрæсейаг медицион организацитæм, кæцытæм ис хъæуæг препарат», – банысан кодта Æнæниздзинад хъахъхъæнын æмæ социалон рæзты министр Тотчиты Георги.
Загъд ма ‘рцыд, санитарон æмæ ветеринарон службæтæ профилактикон мадзæлттæ кæй уадзынц. Ветеринартæ курæг сты хъæуы цæрджытæй, цæмæй фосæн саразой æрранизы ныхмæ судзинтæ, адæм та, цæмæй гæнæн уæвгæй сæ-хи хизой хъæддаг цæрæгойтæй.
Цæмæй æрранизы гуырæнтæ ма фæзыной, уый нысанæн Хуссар Ирыстоны фæлхасадон хъусдарды къухдариуæгад æрдомдта республикæйы цæр-джытæй, цæмæй æххæст кæной ахæм фæтк:
– хъæддаг сырдтæм æввахс ма цæуой æрдзы хъæбысы уæвгæйæ æмæ æнæхицау цæрæгойтæн (куыйтæ, гæдытæ æмæ æндæртæ), къухæй ма хæрын кæной, ма сыл узæлой;
– æнæмæнгхъæуæг у вакцинаци саразын хæдзарон цæрæгойтæн æрранизы ныхмæ;
– цæрæгойты амал кæнын хъæуы æрмæстдæр специализацигонд организациты, ветеринарон бæрæггæнæн сын кæд ис, уæд ;
– æххæст кæнын хъæуы хæдзарон цæрæгойты дарыны фæтк;
– цæрæн пунктты сæ дарын хъæуы æрмæстдæр изоляцигонд территорийыл кæнæ та бастæй;
– куыйты цæрæг æмæ изоляцигонд бæстыхæйттæй æмæ территоритæй иумиаг кæрттæ æмæ уынгмæ акæныны бар ис, æрмæстдæр, цыбыр бæттæн æмæ цъуттаимæ.
РХИ-йы Хицауады пресс-службæ
Comments are closed, but trackbacks and pingbacks are open.