Ныййарӕджы капиталы тыххӕй сертификатты хицӕуттӕ чи сси, уыцы адӕмӕн сӕ фылдӕр хай ахӕм паддзахадон ӕххуысы фӕрӕзтӕ бахардз кодтой сӕ царды уавӕртӕ фӕхуыздӕр кӕныныл.
Ныййарӕджы капиталы тыххӕй паддзахадон программӕйы фӕрцы ныридӕ-гӕн сӕ царды уавӕртӕ фӕхуыздӕр кодтой 31 мин цӕгатирыстойнаг бинонтӕ. Уыцы нысанӕн УФ-йы Пенсион фонды Цӕгат Ирыстоны хайад радих кодта 12,3 миллиард сомӕй фылдӕр.
Капиталы фӕрӕзты ӕххуысӕй ног цӕрӕнуат балхӕнын, кӕнӕ хӕдзары арӕзтад райдайын – фыццаджы-фыццагдӕр ахӕм нысаныл бахардз кӕнынц сертификаты фӕрӕзтӕ, куыд Ирыстоны цӕрджытӕ, афтӕ, ӕмткӕй райсгӕйӕ, иннӕ уӕрӕсейаг регионты бинонтӕ дӕр. Пенсион фонды бӕрӕггӕнӕнтӕм гӕсгӕ, сертификатты хицӕуттӕн сӕ 55,6 проценты ныридӕгӕн уыцы фӕрӕзты фӕрцы райстой ног цӕрӕн-уӕттӕ, кӕнӕ сӕхгӕдтой сӕ цӕрӕнуатон ӕфстӕуттӕ. Уы-имӕ, ӕрмӕст цӕрӕнуатон кредиттӕ сӕхгӕнынӕн Пенсион фонд сертификатты хицӕуттӕн радих кодта 4,5 миллиард сомы бӕрц.
Зындгонд куыд у, афтӕмӕй ныййарӕджы капиталы тыххӕй паддзахадон программӕ ӕххӕстгонд цӕудзӕн 2021 азы 31 декабры онг. Уыимӕ, программӕйы бындурыл ныййарӕджы капиталы тых-хӕй сертификаттӕ чи райса, уыцы адӕмӕн фадат ис уыцы фӕрӕзтӕй кӕдфӕндыдӕр спайда кӕнынӕн.
УФ-йы Пенсион фонды Цӕгат Ирыстоны хайады бӕрӕггӕнӕнтӕм гӕсгӕ, абоны онг нӕ республикӕйы ахӕм сертификаттӕ лӕвӕрд ӕрцыд 56,3 мин бинонтӕн.
Ныййарӕджы капиталы тыххæй паддзахадон программæ йæ тыхы бацыд 2007 азы. Уæд сертификаты фæрæзты бæрц уыд 250 мин сомы. Уый фæстæ азты уыцы нымæц цалдæр хатты æрцыд индексацигонд æмæ ныртæк-кæ у 466 617 сомы.
«Рæстдзинад»
Comments are closed, but trackbacks and pingbacks are open.