28-æм сентябрæй 5-æм октябрмæ Хуссар Ирыстоны территорийыл æрцыд иу фыдракæнд. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы.
Фæндагон змæлды æдасдзинады инспекци къуырийы дæргъы сбæлвырд кодта 202 фæткхалæн цауы. Уыдонæй 5 уыдысты нозтджынæй машинæ скъæрыны цаутæ.
Ӕхсæнадон фæтк фехалыны фæстиуæгæн административон æфхæрд баййæфтой 14 æмбæстаджы.
Ленингоры районы милицийы управленийы кусджытæ баурæдтой 28-аздзыд бынæттон цæрæджы, кæцымæ сæ зæрдæ фехсайдта æнæзакъонæй наркотикон буарад «марихуана»-йæ спайда кæнынмæ.
2-æм октябры горæт Цхинвалы Джиоты Аланы проспекты зынг сирвæзт магазиныл, кæцыйы хицау разынд нæ горæты 76-аздзыд цæрæг. Ӕмбæлон службæтæ афоныл æрбахæццæ сты, фæлæ, хъыгагæн, бæстыхай иууылдæр басыгъд.
3-æм октябры Дзауы районы æрцыд æнамонд цау. Дзауы поселочы 73-аздзыд цæрæг хъæдмæ ацыдис суг кæнынмæ йæ цардæмбалимæ æмæ йыл бæлас рафæлдæхт. Уæззау цæфтæ райсыны фæстиуæгæн ацы æмбæстаг фæмард рынчын-доны.
Ленингоры районы Болы хъæуы 30-аздзыд æмæ Ленингоры поселочы 19-аздзыд, 21-аздзыд æмæ 62-аздзыд цæрджыты æрцахстой Ленингоры районы арæнхъахъхъæнджытæ. Фæткхалджытæ æрвыст æрцыдысты карантинмæ Ленингоры рынчындонмæ 14 боны æмгъуыдмæ.
Comments are closed, but trackbacks and pingbacks are open.