РХИ-йы Мидхъуыддæгты министрады кусынц аппаратон-программон комплекс «Æдас горæт» ныббиноныг кæныныл. Ахæм комплекс фадат ратдзæн оперативонæй æмæ æнæхъæн суткæты дæргъы столицæйы æмæ горæтмæ æрбахизæнты фæндаджы змæлдыл контроль кæнынæн.

Проект конд у æртæ этапæй. Фыццаг этап реа-лизаци æрцыд, кæцыйы сты горæты территорийыл видеокамерæты бынæттæ сбæрæг кæнын æмæ сервертæ сæвæрын – ацы куыст ныридæгæн æххæст æрцыд.

Мидхъуыддæгты министрады æхсæнадон фæтк хъахъхъæныны управленийы хистæр Гаглойты Маирбег куыд банысан кодта, афтæмæй дыккаг этапы план цæуы комплекстæ сæвæрын. «Уыдон сты тагъдады режимты комплекстæ, фæндагон змæлды уагæвæрдтæ фехалыны регистрацийы комплекстæ, реалон режимы видеоцæстдарды комплекстæ сæвæрын. Проект ныридæгæн кусы, ис финанскæнынад дæр», – бамбарын кодта уый.

Гаглойты Маирбеджы ныхæстæм гæсгæ, проект фадат ратдзæн  æдасдзинады  æмвæзад   фæбæрзонддæр кæнынæн æмæ ахъаз кæндзæн мидхъуыддæгты министрады эффективон куыстæн. Уый банысан кодта, зæгъгæ, фæндагон транспортон цауы рæстæджы уыдонæн сæ бон суыдзæн видеоцæстдарды камерæты бæрæггæнæнтæй спайда кæнын. «Проекты сæйраг хæс у æмбæстæгты æхсæнадон æдасдзинады æмвæзад фæбæрзонддæр кæнын. Афтæ ма арæзт æрцæудзæн административон бархалынадты автоматон фиксаци, центр уыдзæн РХИ-йы Мид-хъуыддæгты министрады Фæндагон змæлды æдасдзинады паддзахадон инспекцийы. Уым кусдзысты видеокамертæй райсгæ информацийыл. Райсгæ информаци оператортæ бардзысты бæрæггæнæнты базæтимæ. Уый фæстæ æрвыст цæудзысты административон ивар бафидыны уынаффæтæ. Фæндагон змæлд чи фехала, уыдонмæ ивар æрвыст цæудзæн постыл», – радзырдта Гаглойты Маирбег.

Видеокамерæтæ æвæрыныл кусынц уæрæсейаг специалисттæ. Камерæтимæ техникон куыст æххæст кæны «Юг-телеком».  Камерæтæ æвæрд æрцæудзысты столицæйы цыппар сæйраг фæзилæны. Æвæрд æрцæудзысты 16 камерæйы, афтæ ма 14 куполон камерæйы, кæцытæ нысан сты æхсæвыгон цæстдарды фиксацийæн. Уыдзæн камерæтæ, кæцытæ фиксаци кæндзысты горæтмæ æрбахизæны æмæ стационарон постыты тагъдады режим.

 

ИА «Рес»

Ацы æрмæджытæ дæр бакæс:

«ÆДАС ГОРÆТ» – РЕСПУБЛИКÆЙЫ ЦÆРДЖЫТЫ ÆДАСДЗИНАДÆН Фæндагон æдасдзинады фæткойтæ хъахъхъæнын – алкæйы хæс дæр Сæйраг хæс – адæмы æдас цард ифтонг кæнын Default ThumbnailХуссар Ирыстон рæзын кæны йæ инвестицион хъомыс Default ThumbnailРеспубликæ Хуссар Ирыстоны Парламенты Уынаффæ

Comments are closed, but trackbacks and pingbacks are open.