«Æдас горæт» – ахæм нысан æмæ мидисимæ программæ скуыста тестон ситемæйыл Хуссар Ирыстоны. Бæл-вырд аххосæгтæм гæсгæ ацы хъуыддаг гыццыл къуылымпы кодта. Ныр хъуыддаг цæхгæр фæивдзæн.
Йæ сæйрагдæр нысан – æхсæнады æдасдзинад, республикæйы цæрджыты цард æмæ æнæниздзинад. Терминалтæ куы скусой, уæд цæрджытæн хъусын кæндзысты æнæнхъæлæджы цауты тыххæй.
Автотранспорты змæлды фото æмæ видео фиксаци кæнынæн хицæн бынæтты æвæрд æрцыд камерæтæ. Уыдон фадат дæтдзысты оперативон æгъдауæй хицæн хуызы фæндагон-транспортон фыдракæндтæ раргом кæнынæн.
Фæстаг рæстæджы, куыд уынæм, афтæмæй автотранспортон фæрæзтæ фæфылдæр сты, фæлæ нæма уынæм машинæ скъæрыны культурæ, фæндагон змæлды фæтк машинæ скъæрджытæ ницæмæ дарынц. Программæ сфидар кæнын фадат ратдзæн бархалынадтæ аиуварс кæнынæн. «Æдас горæт» ифтонг кæндзæн горæты уынгты æдасдзинады уавæр.
Проект конд у æртæ этапæй. Фыццаг этап реализаци æр-цыд, кæцыйы сты горæты территорийыл видеокамерæты бынæттæ сбæрæг кæнын æмæ сервертæ сæвæрын – ацы куыст ныридæгæн æххæст æрцыд.
Мидхъуыддæгты министрады æхсæнадон фæтк хъахъ-хъæныны управленийы хистæр Гаглойты Маирбег куыд банысан кодта, афтæмæй дыккаг этапы план цæуы комплекстæ сæвæрын. «Уыдон сты тагъдады режимты комплекстæ, фæндагон змæлды уагæвæрдтæ фехалыны регистрацийы комплекстæ, реалон режимы видеоцæстдарды комплекстæ сæвæрын. Проект ныридæгæн кусы, ис финанскæнынад дæр», – бамбарын кодта уый.
Проект фадат ратдзæн æдасдзинады æмвæзад фæбæрзонддæр кæнынæн æмæ ахъаз кæндзæн мидхъуыддæгты министрады эффективон куыстæн. Уый банысан кодта, зæгъгæ, фæндагон-транспортон цауы рæстæджы уыдонæн сæ бон суыдзæн видеоцæстдарды камерæты бæрæггæнæнтæй спайда кæнын.
Афтæ ма арæзт æрцыд административон бархалынадты автоматон фиксаци, центр ис РХИ-йы Мидхъуыддæгты министрады Фæндагон змæлды æдасдзинады паддзахадон инспекцийы. Уым кусдзысты видеокамерæтæй райсгæ информацийыл. Райсгæ информаци оператортæ бардзысты бæрæггæнæнты базæтимæ. Уый фæстæ æрвыст цæудзысты административон ивар бафидыны уынаффæтæ. Фæндагон змæлд чи фехала, уыдонмæ ивар æрвыст цæудзæн посты», – радзырдта Гаглойты Маирбег.
Ахæм комплекс фадат ратдзæн оперативонæй æмæ æнæхъæн суткæты дæргъы столицæйы æмæ горæтмæ æрбахизæнты фæндаджы змæлдыл контроль кæнынæн.
ДРИАТЫ Лейла
Comments are closed, but trackbacks and pingbacks are open.