Уæрæсейы Федерацийы Хуссар Ирыстоны минæварадæй куыд фехъусын кодтой, афтæмæй хуссарирыстойнаг æххæстбарджын минæвар Гасситы Знауыр, «Курчатовы институт»-ы зонад-иртасæн центры президент Михаил Ковальчукы фæхуындмæ гæсгæ, хайад райста «Евразиаг тыгъдады бирæнымæц иртасæнты фæлтæрддзинад»-ы темæйы фæдыл зонадон форумы.
Форум уыд Зонæдты академийы дунеон ассоциацийы советы рабадты фæзуатыл.
Зонадон форумы фæлгæтты, кæцы сорганизаци кодта Уæрæсейы Зонадон информацийы центр, уынаффæ цыд Евразийы тыгъдады хæларадон бæстæты ахуыргæндты æмгуыстады фæлтæрддзинад æмæ перспективæтыл. Æркастæуыд евразиаг тыгъдады зонадон дипломати æмæ бирæварсон зонадон æмгуысткæнынады интеграцийы фарстатæ аскъуыддзаг кæныны ролтæм.
Хатдзæгтæ арæзт æрцыд зонадон иртасæнтæн æххуысæн евразиаг ассоциацийы программæйы фæлгæтты архайдæн æмæ уынаффæ цыд иумиаг инициативæты дарддæры рæзты фарстатыл.
Рабадты райдианы Гасситы Знауыр Республикæ Хуссар Ирыстоны адæмы æмæ къухдариуæгады номæй раарфæ кодта æмбырды организатортæ æмæ хайадисджытæн æмæ сын бузныг загъта, кæй йæ фæхуыдтой, уый сæраппонд.
«Хуссар Ирыстоны приоритетон хæслæвæрдтæй иу у зонады прогрессивон рæзтæн алыварсон æххуыс, перспективон æмæ прикладон зонадон иртасæнты реализаци, æхсæнадæмон академион тыгъдады интеграци», – банысан кодта Гасситы Знауыр.
Дипломат куыд загъта, афтæмæй «Хуссар Ирыстоны прикладон иртасынæдты æмæ инновацион активондзинады организацион æмæ интеллектуалон центр у Зонад-иртасæн институт æмæ Кавказы стырдæр уæлдæр ахуыргæнæндæттæй сæ иу – Хуссар Ирыстоны паддзахадон университет, кæцытæ сты зонад-ахуырадон тыгъдад. Уыдон стыр ахъаз сты ахуырады æмæ иртасынæдты гъæд бæрзонд кæнынæн.
Уæрæсейы Федерацийы æххуысæй арæзт цæуынц уавæртæ зонад-ахуырадон грантты гуырахст фæбæрзонддæр кæныны тыххæй. Уыимæ иумæ ма Уæрæсе æххуыс кæны æвзонг ахуыргæндтæн дæр.
Хуссар Ирыстон тырны ахуырадон æмæ зонадон тыгъдады бирæварсон бындурыл иумиаг программæтæ æмæ проекттæ практикон æгъдауæй æххæст кæныны фæндæгтæ æмæ механизмты аразын æмæ кусынмæ, алы бæстæтимæ, фыццаг рады та Уæрæсеимæ, Уырыссаг дунейы иу хайыл йæхи нымайгæйæ, куыд æппæт хуыз ахастытæ рауæрæх æмæ фæарфдæр кæныны уавæртæ, афтæ сæм æркæсгæйæ».
Йæ ныхасы кæрон Гасситы Знауыр раарфæ кодта Геннади Красниковæн, Уæрæсейы зонæдты академийы президентæй йæ кæй равзæрстой, уый цытæн. Ахæм бæрзонд æмæ бæрнон бынаты йын йæ цæст бауарзта æнтыстджын архайд, зонады къабазы æнтыстытæ. Форумы организатортæ æмæ хайадисджытæн та загъта фæстиуæгджын куыст, сфæлдыстадон удцырындзинад æмæ стыр æнтыстыты фæндиæгтæ.
Форумы хайад райстой Зонæдты академийы æхсæнадæмон Ассоциацийы уæвæг бæстæты минæвæрттæ, Евразиаг Ассоциаци чи сарæзта, уыцы бæстæты æмæ æндæр хæларадон бæстæты минæвæрттæ.
Нæ уацх.
Comments are closed, but trackbacks and pingbacks are open.