Мамытаты Виталиимæ фембæлды рæстæджы, паддзахады сæргълæууæг банысан кодта, зæгъгæ, йæ сæйраг хæс уый мидæг ис, цæмæй Ленингоры районы æмбæстæгтæ сæхи хатой Хуссар Ирыстоны æмбар хайыл.
Бибылты Анатоли банысан кодта, Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты Ленингоры районы ныридæгæн арзæт æрцыдысты социалон объекттæ, ацы аз та бæстон æрцæудзæн фæндагон инфраструктурæ.
«Дæ куыстхъомдзинад, дæ патриотизм æмæ регионмæ дæ ахаст зонгæйæ, мæн ныфс ис, алцыдæр дын кæй бантыстдзæн, уый. Мæ цæст дын уарзы æнтыстытæ, Ленингоры районы цæрджытæн æппæт хæрзиуджытæ æмæ иумæйагæй та Республикæ Хуссар Ирыстонæн дидинæфтыд», – загъта Президент.
Йæ фарсæрдыгæй Мамытаты Витали Президентæн бузныджы ныхæстæ загъта, ахæм стыр æууæнк ыл кæй бафтыдта, уый тыххæй. «Нæй ахæм фарстатæ, кæцытæн аскъуыддзаггæнæн нæй. Бындуриуæг кæндзыстæм рæстдзинадыл, намысдзинадыл æмæ æппæт хæстæ 100 процентæй æххæст кæныныл», – банысан кодта уый.
Биографион зонæнтæ:
Мамытаты Витали Василийы фырт райгуырд горæт Цхинвалы 1986 азы. Каст фæцис Хуссар Ирыстоны паддзахадон университеты юриспруденцийы факультет. 2008 азæй 2018 азæм куыста РХИ-йы Мидхъуыддæгты министрады. 2018 азæй 2019 азы мартмæ уыд Ленингоры районы РХИ-йы Æмбæстагон хъахъхъæнынад, уæлвæткон уавæрты æмæ æрдзон æнамонддзинæдтæ аиуварс кæныны фæдыл Министрады зынгхуысынгæнæн-ирвæзынгæнæг хайы хистæр. Ис ын цардæмбал, хъомыл кæны дыууæ сывæллоны.
Comments are closed, but trackbacks and pingbacks are open.