Горæт Цхинвалы мидхъуыддæгты управленийы æнахъом сывæллæтты хъуыддæгты фæдыл инспекцийы кусджытæ Паддзахадон автоинспекцийы минæвæрттимæ иумæ ауагътой профилактикон уроктæ 1-æм скъола æмæ кадетон скъолайы ахуырдзаутæн. Уый тыххæй хъусын кæны Хуссар Ирыстоны мидхъуыддæгты министрады пресс-службæ.

«Æнахъом сывæллæтты хъуыддæгты фæдыл инспекцийы кусджытæн сæ ныхас уыд «Моралон-хæрзнамысон хъомылад æмæ антиæхсæнадон фæзындтыты ныхмæ тохы фæстиуджыты тыххæй». Скъоладзаутæн æмбарын кодтой æхсæнадон бынæтты, скъолайы хидарыны фæткойтæ æххæст кæныны æнæмæнгхъæуындзинад, хорз хъуыд-дæгтæ æвзæр хъуыддæгтæй хицæн кæнын.

Паддзахадон автоинспекцийы агитаци æмæ пропагандæйы фæдыл кусджытæ ахуырдзаутæн радзырдтой уынгты æмæ транспорты хидарыны фæткы тыххæй, фæндагæн йæ иннæ фарсмæ хизыны фæтк фехалыны фæстиуджыты тыххæй», – банысан кодтой ведомствойы.

Ам ма куыд фехъусын кодтой, афтæмæй хуссарирыстойнаг барадхъахъхъæнджыты планон мадзæлттæ здæхт сты барадхалыны цауты профилактикæ æмæ сæ рагацау сбæрæг кæнынмæ, цæмæй рæзгæ фæлтæр закъон æмæ барадон нормæтæн аргъ  кæной.

Ахæм уроктæ ауадзын сæ зæрды ис Цхинвалы æппæт скъолаты дæр.

Ацы æрмæджытæ дæр бакæс:

Скъоладзаутимæ уадзынц профилактикон мадзæлттæ Default ThumbnailЛæгдзинад – ирондзинады бындурыл Æнахъомтимæ куыст бæрнон куыст у Паддзахадон автоинспекци банысан кодта йæ профессионалон бон Default ThumbnailРеспубликæ Хуссар Ирыстоны Парламенты Уынаффæ

Comments are closed, but trackbacks and pingbacks are open.