Ахуыргæнæджы кадæн

9-æм октябры нæ республикæйы банысан кодтой ахуыргæнæджы бон.

Уый цытӕн Цхинвалы киноконцертон зал «Чермен»-ы уагьд эерцыд цытджын мадзал. Сээ профессионалом бӕрӕгбоны цытӕн педагогон кусджытӕн раарфӕ кӕнынмӕ ӕрбацыдысты Республикӕ Хуссар Ирыстоны Хицауады сӕрдар Пухаты Эрик, РХИ-йы Парламенты Сӕрдар Гасситы Петр, РХИ-йы Культурӕйы министр Зассеты Жаннӕ, экс­президент Тыбылты Леонид ӕмӕ ӕндӕр тӕ.

Бӕрзегбонон мадзалы размӕ ахуыргӕнджытыл киноконцертон зал «Чермен»-ы фойейы хъӕлдзӕг мидбылхудт ӕмӕ арфӕтимӕ ӕмбӕлдысты скъоладзау фӕсивӕд ӕмӕ РХИ-йы Ахуырад ӕмӕ зонады министр, республикӕйы сӕйраг ахуыргӕнӕг Гасситы Натали. Фойейы адӕмы рӕгьмӕ хаст ӕрцыдысты нӕ республикӕйы къухджын ахуыргӕнджыты алыгьуызон ӕмӕ цымьщисон куыстытӕ. Ам фенӕн уыдис бисерӕй конд дидинджытӕ ӕмӕ нывтӕ, ӕрмдӕсныты куыстытӕ хъӕдӕрмӕгӕй дӕр. Цымыдисон уыдысты къухӕй быд ирон ӕртӕгъуызы хуызтимӕ уардитӕ, сӕхимӕ цӕстӕнгас здӕхтой ныв чи кӕны, уыцы ахуыргӕнджыты ӕндӕр ӕмӕ ӕндӕр цымыдисон нывтӕ дӕр. Ӕппӕт уыцы ӕрмӕджытӕ равӕрдтой ӕмӕ сӕ срӕсугъд

кодтой алыгьуызон фӕззыгон бӕлӕсты сыфтӕртимӕ ӕмӕ уымӕй равдыст фӕирддӕр. Ацы равдыстыл сӕ фӕндаг кодтой мад- залы ӕппӕт уазджытӕ дӕр ӕмӕ зонгӕ код­той семӕ.

Бӕрӕгбонон арфӕтимӕ ахуырады къабазы кусджыты размӕ рахызтысты мадзаламонджытӕ Хъоцыты Сергей ӕмӕ Кокойты Нинӕ. Аив бакастысты ахуыргӕнӕджы кадӕн ӕмдзӕвгӕтӕ ӕмӕ ма цыбыртӕй ӕрдзырдтой Ахуыргӕнӕджы боны равзӕрды историйыл дӕр. Советон Цӕдисы рӕстӕджы Ахуыргӕнӕджы бон нысан кодтой октябры мӕйы фыццаг хуыцаубоны. Ныр та ‘Уӕрӕсейы Федерацийы Президен­ты Барамындмӕ гӕсгӕ Уӕрӕсейы Ахуыргӕнӕджы бон нысан кӕнынц 5-ӕм октябры. Ацы бон сӕ профессионалон бӕрӕгбон нысан кӕнынц Республикӕ Хуссар Ирыстоны ахуыр-гӕнджытӕ дӕр. «Уый тыххӕй уын зӕрдиаг, рӕсугьд ӕмӕ хъарм арфӕтӕ, бузныджы ныхӕстӕ иууылдӕр сымахӕн, нӕ зынаргъ, ахуыргӕнджытӕ», – хъӕлдзӕгӕй дзырдтой мадзаламонджытӕ.

Республикӕ Хуссар Ирыстоны Ахуырад ӕмӕ зонады министр Гасситы Натали дӕр зӕрдӕбынӕй раарфӕ кодта нӕ бӕстӕйы ӕплӕт ахуыргӕнджытӕн сӕ бӕрӕгбоны цытӕн ӕмӕ сын загъта стыр бузныджы ныхӕстӕ се нувыд куысты тыххӕй. «Нӕ зынаргъ ахуыргӕнджытӕ, цытджын педа­гога! Абон мах кӕрӕдзийӕн дзурӕм хъарм ӕмӕ рӕсугъд арфӕйаг ныхӕстӕ нӕ профессионалон бӕрӕгбоны цытӕн. 5-ӕм октябрь махӕн ссис куыд нӕ царды историйы чысыл хай ӕмӕ уый тыххӕй мӕнӕн тынг ӕхсызгон у абон кӕрӕдзийыл хъӕлдзӕгӕй кӕй ӕмбӕлӕм, уый», – загьта министр. Бирӕ хъарм ныхӕстӕ загьта уый педагогон архайды ветерантӕн, ацы фадыджы чи фӕллой кӕны, ӕппӕт уыдонӕн.

«Алыхатт дээр уын уӕ куыст циндзинад цы хӕсса ӕмӕ уын ӕй уӕ хорз ахуыргӕнинӕгтӕ та кадимӕ бӕрзонд цы хӕссой! Дзырдта уый йӕ арфӕйы ныхасы.

Республикӕйы ахуыргӕнджытӕн се стыр куысты тыххӕй бузныг ӕмӕ арфӕйы ныхӕстӕ загьта РХИ-йы Парламенты сӕрдар Гасситы Петр. Уый куыд банысан кодта, афтӕмӕй йӕхӕдӕг дӕр схъомыл ис ахуыргӕнӕг бинонты ӕхсӕн ӕмӕ тынг хорз кӕй зоны ахуыргӕнӕджы куыст ӕнцон нӕу, уый. «Сымахыл, нӕ зынаргъ ахуыргӕнджытӕ уе уӕхсчытыл ӕвӕрд ис уӕззау уаргъ, кӕцыйӕн мах хъуамӕ кӕнӕм стыр аргъ. Сымах стут не ‘хсӕнады уӕнгты нын чи схъомыл кӕны ӕмӕ республикӕйы рӕсугъд фидӕнмӕ чи кӕны, нӕ уыцы рухстауджытӕ. Уый тыххӕй уын абон зӕгъын стыр бузныг ӕмӕ уын мӕ цӕст уарзы царды ӕппӕт хӕрзиуджытӕ дӕр», – загъта Гасси­ты Петр. РХИ-йы Парламенты Сӕрдар ма Парламенты Кады грамотӕтӕй схорзӕхджын кодта ахуырады къабазы кусджытæй цалдӕры. Уый фӕстӕ мадзаламонджытӕ бахатыдысты адӕммӕ, цӕмӕй иу уысм ӕмырӕй алӕугӕйӕ ссарой ӕрӕджы не ‘хсӕнӕй чи фӕхъуыд, уыцы ахуыргӕнджыты рухснӕмттӕ.

Культурӕйы министр Зассеты Жаннӕ дӕр ныхасы рацӕугӕйӕ банысан кодта, зӕгъгӕ, фӕцис ахуыр Дзауы районы Хетӕгкаты Къостайы номыл астӕуккаг скъолайы ӕмӕ абон дӕр йӕ зӕрдыл лӕууы ахуыргӕнджытӕм скъоладзаутӕй цавӕр ахает уыд ӕмӕ сын куыд зынаргъ сты абон дӕр, уый. Зассеты Жаннӕ ма Ахуырады министрадӕн балӕвар кодта Бязырты Валентинӕйы чиныг «Свети, звезда по име­ни Коста»-йы 50 экземпляры бӕрц.

Дардцӕр ахуырады къабазы ӕппӕт кусджытӕн дӕр нӕ республикӕйы къухдариуӕгады номӕй арфӕ ракодта РХИ-йы Хицауады Сӕрдар Пухаты Эрик. Уый стцр буз­ныджы ныхӕстӕ загьта ахуыргӕнджытӕн ӕмӕ ӕрымысыд ветеранты уӕззау куыст республикӕйы уӕззау дуджы. Уый ма баны­сан кодта, зӕгъгӕ, йӕхӕдӕг дӕр цалдӕр азы акуыста хъӕууон скъолайы ӕмӕ хорз зонгӕ у педагогон куысты хъуыддагимӕ. Хицауады Сӕрдар ма йӕ ныхасмӕ бафтыдта, зӕгъгӕ, абон нӕ республикӕйы ӕппӕт дӕр арӕзт цӕуы, цӕмӕй ахуыры гьӕд уа ӕмбӕлон ӕмвӕзадыл. Афтӕ ма баныфсӕвӕрдта, дарддӕр дӕр уыцы фарстытыл куыст кӕй цӕудзӕн, цӕмӕй размӕ кӕна ахуырады системӕ.

Бӕрӕгбонон мадзалы музыкӕйы ӕхцон зӕлтӕм залыбадӕг ветерантӕн скъоладзауты иу къорд хастой зӕрдылдарӕн лӕвӕрттӕ арфӕтимӕ. Уый фӕстӕ Ахуыргӕнӕджы боны цытӕн арӕзт ӕрцыд бӕрӕгбонон концерт. Хайад дзы райстой нӕ республикӕйы зындгонд зарӕггӕнджытӕ ӕмӕ сфӕлдыстадон къордтӕ.

Цхуырбаты Ларисӕ