Æнæмæнг æфсæддон службæйы сфидаргонд æмгъуыд чи баслужбæ кодта, уыцы салдатты Республикæ Хуссар Ирыстоны Гарзджын тыхты рæнхъытæй сæрибар æрцыдысты æмæ сæ арвыстой фæсауæрцмæ.
РХИ-йы Хъахъхъæнынады министрады пресс-службæйы куыд фехъусын кодтой, уымæ гæсгæ хицæн ахуырадон ротæйы цытджын рæнхълæуд, цыран æфсæддон службæгæнджытæ рацыдысты æфсæддон æмгъуыдон службæ, уагъд æрцыд 1-æм Æфсæддон городокы плацы.
Æфсæддонты службæйæ ссæрибар кæныны церемонийы хайад райстой хъахъхъæнынады министры хæдивæг, хайадты æмæ службæты хистæртæ. РХИ-йы Хъахъхъæнынады министры хæстæ æххæстгæнæг, инæлар-лейтенант Гассеты Ибрагимы бардзырд цытджын рæнхълæуды рæстæджы бакаст РХИ-йы Гарзджын тыхты генералон штабы хистæр, булкъон Виктор Федоров.
Хъахъхъæнынады министрады сæргълæууæджы ноджы иу бардзырдæй хорзæхджын æрцыдысты иуæй-иу æфсæддон службæгæнджытæ. Æфсæддон хæстæ æххæст кæныны рæстæджы тынг хорз службæ æмæ иницативæйы, бæрзонд æмбæстагон æмæ патриотон хæсы тыххæй уыдонæн лæвæрд æрцыдысты радон æфсæддон нæмттæ. Къорд æфсæддон службæгæнæджы та хорзæхджын æрцыдысты Кады грамотæтæй, – банысан кодтой æфсæддон ведомствойы.
Хистæр æфсæддон сæргълæуджытæн æфсæддон службæгæнджыты цæст буаарзта, цæмæй уой хуссарирыстойнаг æфсады сфидаргонд кадджын традициты аккаг дарддæргæнджытæ.
Банысан кæнын хъæуы уый дæр, æмæ салдаттæ фæсауæрцмæ æрвыст кæй æрцыдысты Хуссар Ирыстоны Гарзджын тыхты Уæлдæр командæгæнæджы Барамынд æмæ хъахъхъæнынады министры бардзырдмæ гæсгæ.
Ног æрсидтон кампани райдайдзæн æввахс бонты. Ног æфсæддон службæгæнджытæ мæйон курсытæ рацæудзысты хъахъхъæнынады министрады ахуырадон центр «Барс»-ы æвзонг хæстоны курсы программæмæ гæсгæ.
Хуссар Ирыстоны Гарзджын тыхты службæйы æмгъуыд у 12 мæйы.
Comments are closed, but trackbacks and pingbacks are open.