17-æм июны мультимедион агентад «Спутник – Хуссар Ирыстон»-ы æрбайгомыл сæххæст аст азы. Уæрæсейы паддзахадон «Спутник» агентады Информацион портал кусы ирон æмæ уырыссаг æвзæгтыл. Ресурс ссарæн ис ахæм адресыл: Sputnik-ossetif. Com æмæ Sputnik. Ru.
Ацы агентад бакæныны нысан уыд актуалон æхсæнадæмон темæтимæ адæмы зонгæ кæнын. Ирон æмæ уырыссаг æвзæгтыл информаци хъусын кæнынц радио форматы «Спутник – Южная Осетия», кæцы кусы FM-диапазоны Хуссар Ирыстоны территорийыл.
Ирон æмæ уырыссаг æвзæгтыл портал æххæст кæны информацион ресурсты линейкæ. Спутникы сайттæ кусынц англисаг, францаг, сербаг, арабаг, италиаг, чехаг, гуырдзиаг, азербайджанаг, абхазаг æмæ æндæр æвзæгтыл.
«Спутник – Южная Осетия»-йы сайтыл мыхуыргонд информацимæ тынг бирæ цымыдисгæнджытæ ис, уымæ гæсгæ йæ журналисттæ сты квалификациджын, цы формæтæй пайда кæнынц, уый та у конкретон æмæ æнцонæмбарæн.
Сайтыл ма мыхуыр цæуынц национ интерестæ, культурæ, ис-тори æмæ традициты тыххæй æрмæджытæ, инфографикæ.
Нæ зынаргъ коллегæтæ, зæрдæбын арфæ уын кæнæм уæ бæрæгбоны цытæн.
Сымах æргом æмæ уæндонæй дзурут, республикæйы хор-зæй дæр æмæ æвзæрæй дæр цы цæуы, уыдæттыл. Адæм хъуамæ æууæндой дзыллон информацийы фæрæзты ми-нæвæрттыл. Сымахыл æууæндынц æмæ уый уæ профессионалон æмвæзады æвдисæн уыдзæн, журналист уæндон-дæрæй куы æвдиса цаутæ.
Райсут нæ зæрдиаг арфæтæ. Уадз, уæ хæдзæртты уæнт æнæниздзинад, уарзондзинад æмæ фæтк. Уæ профессийы та уæ уæд адæмы хорзæх.
