Арфæтæ

Арфæтæ  Хъæды хæдзарады кусджыты боны цытæн

Зынаргъ хæлæрттæ!

Арфæ уын кæнын Хъæды хæдзрады кусæджы боны цытæн!

Хъæд у, аргъ кæмæн нæй, ахæм æрдзон лæвар, экологон æдасдзинады бындур, адæмон хæдзарады ахсджиаг сконд.

Хъæды фадыджы кусджытæ кусынц хъæд æндидзын кæныныл, тох кæнынц хъæд чи цæгъды, уыдонимæ. Уæ æрвылбонон куыст, кæцы здæхт у хъæд бахъахъхъæнын, рауæрæх кæ-нын æмæ рационалонæй пайда кæнынмæ, у Республикæ Хуссар Ирыстоны фидæнмæ стыр бавæрд.

Ныфс мæ ис, æрдзмæ уæ хорз ахаст дарддæр дæр кæй ахъаз кæндзæн йæ рæсугъддзинад, сыгъдæгдзинад æмæ хъæздыгдзинад бахъахъхъæнынæн нæ фидæны фæлтæрæн.

Бузныджы ныхæстæ зæгъын хъæды фадыджы æппæт кусджытæ æмæ ветерантæн, сæ куыстмæ бæрнджын ахаст æмæ равзаргæ профессийыл æнувыддзинады тыххæй.

Ацы нысаниуæгджын бон уын мæ цæст уарзы фидар æнæниздзинад, амонд, уды хъæддыхдзинад æмæ ног æнтыстытæ! Уадз æмæ уæ царды æнкъарат хъармдзинад æмæ аудындзинад!

Республикæ Хуссар Ирыстоны Президент Бибылты Анатоли

***

Республикæ Хуссар Ирыстоны Хъæды хæдзарады цытджын фæллойгæнджытæ æмæ ветерантæ!

Айсут иууыл зæрдиагдæр арфæтæ уæ профессионалон бæрæгбон – Хъæды хæдзарады кусæджы боны цытæн!

Уæ фадыджы кусджыты сæйраг хæс у нæ республикæйы хъæд бахъахъхъæнын, йæ фæфылдæр кæнын. Уæ куыст æрмæст хæрзиуæгон нæу йæ нысанмæ гæсгæ, фæлæ асхджиаг у не ‘хсæнады царды, республикæйы экономикæйы рæзты.

Хъæд у, аргъ кæмæн нæй, ахæм æрдзон лæвар, сыгъдæг уæлдæфы гуырæн æмæ уый цахæм уавæры уа, ууыл баст у республикæйы экологон уавæр, нæхи æмæ нæ сывæллæтты æнæниздзинад. Сымах æххæст кæнут стыр куыст хъæд æндидзын æмæ уæрæх кæныны фæдыл, хъахъхъæнут фидæны фæлтæрæн æрдзы рæсугъддзинад æмæ хъæздыгдзинад. Уымæ гæсгæ алы адæймаг, кæцы баст у хъæды фадыгимæ, у фидæны хъахъхъæнæг.

Мæ цæст уын уарзы ног профессионалон æнтыстытæ, æнæниздзинад, амонд æмæ фæрныгад!

Республикæ Хуссар Ирыстоны Парламенты Сæрдар Тадтаты Алан

Арфæтæ  Санитарон-эпидемиологон службæйы кусджытæн

Зынаргъ хæлæрттæ!

Арфæ уын кæнын Санитарон-эпидемиологон службæйы кусæджы боны цытæн!

Санитарон-эпидемиологон службæ у нæ республикæйы национ æдасдзинады бындур. Уæ профессионализм, бæрндзинад æмæ æнгом куысты фæрцы скъуыддзаг цæуынц Республикæ Хуссар Ирыстоны цæрджыты санитарон-эпидемиологон фæрныгад сифтонг кæнын æмæ фæлхасгæнджыты бартæ хъахъхъæныны фæдыл ахсджиаг фарстытæ. Сымах хъахъхъæнут адæмы æнæниздзинад æмæ куыстхъомдзинад, хизут сæ карз инфекцион низтæй. 

Уæ профессийыл æнувыддзинад сымах равдыстат коронавирусон инфекци COVID-19 имæ тох кæнынæй. Хуссар Ирыстонмæ инфекци ма æруадзыны фæдыл истцæуæг мадзæлттæ здæхт уыдысты нæ цæрджыты æдасдзинадмæ. Низы ныхмæ фидарæй фæлæугæйæ,  сымах нæ бауагътат уæззау низ Республикон бирæпрофилон медицинон центрæй дарддæр апарахат кæнын. Бузныджы ныхæстæ уын зæгъын уæ бæрзонд дæсныдзинад æмæ удуæлдай куысты тыххæй.

Ныфс мæ ис, сымах дарддæр дæр кадимæ кæй æххæст кæндзыстут уæ разы лæууæг хæстæ.

Ацы нысаниуæгджын боны уын мæ цæст уарзы фидар æнæниздзинад, амонд, æвидигæ эгнерги æмæ дарддæры æнтыстытæ Фыдыбæстæйы хæрзиуæгæн, сабырад, хорздзинад æмæ фæрныгад сымахæн æмæ уæ хиуæттæн!

Республикæ Хуссар Ирыстоны Президент Бибылты Анатоли

***

Республикæ Хуссар Ирыстоны Санитарон-эпидемиологон службæйы кусджытæ æмæ ветерантæ!

Республикæ Хуссар Ирыстоны Парламенты æмæ уын сæрмагондæй мæхи номæй арфæ кæнын уæ профессионалон бæрæгбон – Санитарон-эпидемиологон службæйы боны цытæн.

Инфекцион вирусон низты профилактикæ сифтонг кæнын æмæ æмбæстæгты æнæниздзинад бахъахъ-хъæнын, товары гъæдыл æмæ базарады нормæтыл контроль кæнынад æппæт рæстæджыты уыд æмæ уыдзæн санитарон-эпидемиологон службæйы сæйраг хæс.

Уæ службæ у æнæмæнгхъæуæг, уæлдайдæр ныры дуджы, æнæхъæн дунейы коронавирусон инфекци куы апарахат, уæд. Карантинон мадзæлттæ, уæ профессионализм æмæ удуæлдайдзинад, æппæт мадзæлттæ, кæцытæ уагъд æрцыдысты республикæйы, равдыстой сæ эффективондзинад, уымæн æмæ республикæйы мидæг вирусы цаутæ ныры онг бæрæг не ‘рцыдысты.

Мæ цæст уын уарзы куысты æнтыстытæ, фидар æнæниздзинад, æвидигæ энерги, сабырад æмæ амонд уæхицæн æмæ уæ хиуæттæн!

Республикæ Хуссар Ирыстоны Парламенты Сæрдар Тадтаты Алан

А