Республикæ Никарагуайы Президент Даниэль Ортегойæн
Цытджын Президент!
Растдæр 10 азы размæ Республикæ Никарагуа банымадта Республикæ Хуссар Ирыстоны хæдбардзинад.
Хæдбарндзинад банымайыны тыххæй, цытджын Президент, кæй райстай, уыцы уынаффæ бындуриуæг кодта дунеон реалиты æмбарынадыл æмæ нысан кодта хæдуагæвæрды æмæ сæрибардзинады æнæбайсгæ бары сæрыл Хуссар Ирыстоны адæмы рæстагон тохы æвварс æргом æмæ фидарæй рахæцын.
Нæ адæмы сноггонд паддзахаддзинады дунеон позицитæ фидардæр кæнгæйæ, дæ уынаффæ уыцы иурæстæджы ссис ахсджиаг къахдзæф, дунеон барады принципты уæлбардзинадыл чи æнцой кæны, уыцы дунеон ахастыты системæ аразынмæ.
Хуссар Ирыстоны сæрыстыр сты сæрибаруарзаг никарагуайаг адæмимæ хæлардзинадæй æмæ цасфæнды рæстæг ма рацæуа, кæддæриддæр бузныджы æнкъарæнтимæ хъуыды кæндзысты, нæ бæстæйы хæдбардзинад нын фыццаг цы бæстæтæ банымадтой, уыдонæй сæ иу кæй у Республикæ Никарагуа.
Нæ дыууæ бæстæты ‘хсæн хæларадон ахастыты дарддæры фæдфæдылон рæзтмæ тырнгæйæ, курæг дæн, цытджын Президент, цæмæй айсай фидар æнæниздзинады, фæрныгады æмæ æнтыстыты фæндиæгтæ дæуæн, дæ хиуæттæн æмæ Республикæ Никарагуайы æппæт æфсымæрон адæмæн.
Республикæ Хуссар Ирыстоны Президент Бибылты Анатоли
Comments are closed, but trackbacks and pingbacks are open.