РХИ-йы Президент Бибылты Анатоли арфæ ракодта футболæй Хуссар Ирыстоны æмбырдгондæн CONIFA-йы эгидæйы бын уагъдцæуæг Европæйы чемпионаты кæй фæуæлахиз, уый сæраппонд. Президент Хуссар Ирыстоны æмæ Ныгуылæйнаг Сомихстоны æмбырдгонд командæты хайадистæй финалон хъазтмæ каст комкоммæэфиры Цхинвалы дæсгай спортуарзджытимæ иумæ.
«Уый уыд тынг æндыгъд хъазт, футболуарзджытæ тыхстысты. Тынг рæсугъд хъазыд нæ командæ. Фæстаг секундты пенальти чи систа, уыцы кулдуаргæс у матчы хъайтар!», – загъта Президент хъазты фæстæ.
Бибылты Анатоли чемпионаты финалмæкаст Республикæ Арцахы делегацийы уæнгтимæ, кæцытæ нæ республикæмæ æрцыдысты æвзæрстытæм хъусдарджыты хуызы. Делегацийы сæргълæууæг Артур Товмасян банысан кодта, зæгъгæ, стыр æхцондзинад райста хъазтæй æмæ арфæ ракодта хуссарирыстойнаг æмбырдгонд командæйæн. «Уый æцæгæйдæр у тынг тыхджын командæ, лæппутæ равдыстой, хуыздæртæ кæй сты, уый. Арфæ кæнын Хуссар Ирыстонæн!», – загъта Товмасян.
Хуссар Ирыстоны æмбырдгонд CONIFA-йы эгидæйы бын уагъдцæуæг Европæйы чемпионаты уæлахиздзау ссис фыццаг хатт. Хъазт уагъд цыд Арцахы столицæ Степанакерты централон стадионы.
Comments are closed, but trackbacks and pingbacks are open.