Республикæ Хуссар Ирыстоны Президент Бибылты Анатоли раарфæ кодта РХИ-йы Парламенты Сæрдары фыццаг хæдивæг Мамиты Иналæн йæ гуырæн боныл 85 азы сæххæсты цытæн æмæ Хуссар Ирыстоны раз йæ лæггæдты тыххæй æмæ йæ юбилейы цытæн схорзæхджын кодта Хæлардзинады орденæй.

Паддзахады сæргълæууæг Мамиты Иналæн загъта йæ иууыл хуыздæр фæндиæгтæ.

«Дæуæн бирæ хорзæхтæ ис, фæлæ дæм дзы иу нæй. Æз хæсджын дæн,  цæмæй дæ республикæйы къухдариуæгады æмæ адæмы номæй схорзæхджын кæнон Хæлардзинады орденæй. Аккаг хорзæх – аккаг адæймагæн, кæцыйы мах иууылдæр уарзæм æмæ йын кад кæнæм. Бузныг дын», – загъта Бибылты Анатоли.

Мамиты Иналæн ма йæ юбилейы цытæн раарфæ кодтой Хицауады Сæдар Пухаты Эрик æмæ Парламенты Сæрдар Гасситы Петр, кæцы юбилярмæ радта арфæйы фыстæг Парламенты номæй, афтæ ма йын балæвар кодта зæрдылдарæн монетæты сери дæр.

Ацы æрмæджытæ дæр бакæс:

Фембæлдтытæ Республикæйы боны бæрæгбонмæ æрцæуæг делегацитимæ Хуссар Ирыстоны рагондæр скъола Æфсæнбазырджын хæххон цæргæс РХИ-йы Парламенты цыппæрæм сессийы æвдæм рабадт 85-аздзыд музыкалон скъола85-аздзыд музыкалон скъола

Comments are closed, but trackbacks and pingbacks are open.