Президент Гаглойты Алан бабæрæг кодта РХИ-йы Хъахъхъæнынады министрады цур ахуыргæнæн центр «Барс». Ам УФ-йы уæлдæр æфсæддон ахуыргæнæндæтты ног курсанттæ цæуынц æвзонг хæстоны цæттæгæнæн курс.
40 курсантæй фылдæр рацыдысты бацæуæн фæлварæнтæ УФ-йы уæлдæр ахуыргæнæндæттæм, ахуыргæнæн центры та сæм æнхъæлмæ кæсы æфсæддон хъуыддаджы сусæгдзинæдтæ ба-зонын. Цæттæгæнæн мадзæлтты комплексы ис рæнхъон дисциплинæ, фыццаг æххуыс бакæнын, æхсыны æмæ физикон цæттæдзинад æмæ æндæртæ.
Æппæт ацы зонындзинæдтæ, Хъахъхъæнынады министр Марат Павловы ныхæстæм гæсгæ, курсанттæн баххуыс кæндзысты фидæны æфсæддон ахуыргæнæн уагдæтты фæткыл сахуыр кæнынæн.
Паддзахады сæргълæууæг базонгæ ис ахуыргæнæн центры курсантты уавæртимæ æмæ сын раарфæ кодта.
«Сымах ахуыр кæндзыстут Хуссар Ирыстонæй дард, æмæ хъуамæ аккагæй æвдисат уæ Райгуы-рæн зæхх æмæ цæвиттойнаг уат алкæмæндæр. Уый хауы уæ хорз ахуырмæ дæр, æмæ уæ уаг-ахастмæ дæр. Мæн стыр ныфсытæ ис, сымах фæс-тæмæ кæй æрыздæхдзыстут квалификациджын специалисттæй уæрæх зонындзинæдтæ æмæ фæлтæрддзинадимæ æмæ сæ дарддæр дæр кæй пайда кæндзыстут нæ республикæйы хæрзиуæгæн», – загъта уый.
Æвзонг хæстоны курс рацæуыны фæстæ курсанттæ райсдзысты æфсæддон ардбахæрд.
