Мæскуыйы йæ кусæгон балцы рæстæджы Республикæ Хуссар Ирыстоны Хицауады Сæрдар Бекъойты Геннади фембæлд Ростуризмы къухдариуæггæнæг Дыгъуызты Зæринæимæ.
Фембæлды темæ уыд Хуссар Ирыстоны туристон фадыг рæзын кæнын.
Хицауады сæргълæууæг банысан кодта, зæгъгæ, хæларадон æмæ конструктивон атмосферæйы æруынаффæ кодтам иууыл актуалондæр фарстытыл, кæцытæ скъуыддзаг кæнынæн нын ахъаз кæндзæн Ростуризм.
Ныхас цыд нормативон-барадон базæ саразынæн методикон æххуыс бакæнын, квалификациджын кадртæ бацæттæ кæнын, кæцытæ архайынц туризмы фадыджы паддзахадон политикæ аразыныл, туристон фадыг популяризаци кæнын, Хуссар Ирыстоны имидж аразын куыд туриз-мæн хæрзвадат территори, афтæ, туристон продукттæ размæ кæнын æмæ æндæртæ.
Бекъойты Геннади банысан кодта, зæгъгæ, туризм у респуб-ликæйы рæзты перспективон здæхт, кæцымæ хъæуы уæлдай хъусдард аздахын 2023-2025 аз-ты Хуссар Ирыстоны социалон-экономикон рæзты программæйы.
Уый банысан кодта, зæгъгæ, республикæйы туризм у экономикæйы куыд иууыл æфтиагджындæр æмæ перспективондæр здæхтытæй сæ иу, æмæ банысан кодта туристон кластеры рæзты фарстытыл куыст адарддæр кæныны ахсджиагдзинад Ростуризмимæ.
«Хуссар Ирыстоны туризмы рæзтæн ис егъау хъомысад. Æмæ уый хъæуы гом кæнын. Мæн ныфс ис, Ростуризмимæ уый махæн нæ къухы бафтдзæн. Кæй зæгъын æй хъæуы, æнхъæлмæ нæм кæсы егъау куыст. Фæлæ абон зæгъæн ис, фæстаг æртæ азы уавæр кæй фæхуыздæр ис хуыздæрæрдæм, бирæ арæзт æрцыд туристон маршрутты инфраструктурæйы, горæтты æмæ районты фæндагонуынгон хызæг, лæггæдты рæзты планы», — банысан кодта Бекъойты Геннади.
Хицауады Сæрдар ма фехъусын кодта, зæгъгæ, куыст цæуы Хуссар Ирыстоны Экономикон рæзты министрад æмæ Ростуризмы ’хсæн æхсæнведомствойон сразыдзинад бацæттæ кæнын æмæ йыл къухтæ æрфыссыныл.
Comments are closed, but trackbacks and pingbacks are open.