Республикæ Хуссар Ирыстоны Президент Тыбылты Леонид Хæлардзинады орденæй схорзæхджын кодта РХИ-йы Президенты Администрацийы æмбæстæгты куырдиæттæимæ кусыны управленийы хистæр Сергей Липины.
Ацы хорзæх Сергей Липин райста йæ намысджын паддзахадон куысты, президенты архайд ифтонг кæныны æмæ йыл 65 азы кæй сæххæст, уый тыххæй.
Президент юбилярæн раарфæ кодта æмæ йын загъта стыр æнтыстыты фæндиæгтæ Райгуырæн бæстæйæн лæггад кæныны хъуыддаджы.
«Дæ куыст комокоммæ баст у æмбæстæгты куырдиæттимæ, æмæ тынг ахсджиаг у махæн. Фæстаг азты дæргъы дæуылты рацыдысты мингай куырдиæттæ, æмæ уыдонæй алкæмæндæр лæвæрд æрцыд æмбæлон дзуапп. Уый у æвæджиауы куыст. Хъуамæ æркæсай алкæцы проблемæмæ дæр æмæ агурай йæ аскъуыддзаг кæныны амал, фæлæ ацы куыст кæнын махæн у нæ хæс. Уый ахсджиаг у нæ бæстæйы алы цæрæджы хæрзиуæгæн дæр», – загъта Президент.
Йæхи рады Сергей Липин бузныг загъта бæстæйы сæргълæууæгæн, йæ архайдæн ын афтæ стыр аргъ кæй скодта, уый тыххæй, æмæ банысан кодта, зæгъгæ, дарддæр дæр йæ тыхтыл нæ ауæрддзæн Хуссар Ирыстоны хæрзæбонæн кусгæйæ.
Ацы æрмæджытæ дæр бакæс:
«Тыбылты Леонид у республикæйы куырыхондзинад, куыстхъомдзинад æмæ стабилондзинад»
Республикæйы къухдариуæгад дарддæр дæр здахдзæнис æмбæлон хъусдард Ленингоры районмæ
Тыбылты Леонид: «Куыд Президент, афтæ æз мæ мисси уынын Уæрæсеимæ ахастытæ фидардæр æмæ рæзын кæныны»
Тыбылты Леонид: «Цæцæйнаг адæм сæ хъысмæт радтой æууæнкджын адæймаджы къухтæм»
Тыбылты Леонид хайад райста Дунеон форум «Уæрæсеимæ иумæ»-йы
Comments are closed, but trackbacks and pingbacks are open.