УÆГЪДИБАР ХЪÆБЫСХÆСТ

Хуссарирыстойнаг æвзонг богалтæ æнтыстджынæй сæхи равдыстой 2005-2006 азты гуырд спортсменты ‘хсæн уæгъдибар хъæбысхæстæй РЦИ-Аланийы чемпионаты. Бантыст сын рамбулын дыууæ сыгъзæрин, иу æвзист æмæ иу та бронзæ майданы. Фыццаг бынæттæ бацахстой Плиты Вадим (52 кг) æмæ Плиты Эльбрус (41 кг), дыккаг ссис Къелеты Азæмæт (44 кг) æмæ бронзæйон призер та ссис Тедеты Давид (75 кг).

Плиты Вадим, Плиты Эльбрус æмæ Къелеты Азæмæты бацæттæ кодта тренер Коцты Тамерлан. Тедеты Давиды тренер та у Битеты Гурам.

НОМАРÆН ТУРНИР ЛЕНК КÆНЫНÆЙ

Горæт Ессентукийы уагъд æрцыд сгуыхт тренер А.Г. Клюкины номарæн турнир ленк кæнынæй. Ерысты ныр дыккаг аз хайад райстой хуссарирыстойнаг спортсментæ дæр. Фыццаг бон сыгъзæрин майдан рамбулын бантыст Уалыты Даянæйæн. Уый фыццаг ссис баттерфляйæ 50 метрмæ ленк кæнынæй. Уымæн ма ерысты дыккаг бон бантыст дыууæ æвзист æмæ иу бронзæ майданы рамбулын.

«13 февралы хъуамæ ацæуæм Казанмæ, цыран хайад райсдзыстæм турнир «Mad Wave Classic»-ы. Командæйы сæрмагондæй цæттæ кодтам ацы ерыстæм, уымæ гæсгæ спортсментæ фæтыхджындæргонд тренировкæты фæстæ нырма æххæстæй нæ сындидзыдтой. Уый хынцгæйæ, Уалыты Даянæ Ессентукийы ахæм бæрзонд бæрæггæнæнтæ кæй равдыста, уый нын у стыр æнтыст», – банысан кодта РХИ-йы Ленк кæныны федерацийы президент Евгения Терлеева.

ХУРИТЫ Батрадз 

Ацы æрмæджытæ дæр бакæс:

Равдыстой хорз бæрæггæнæнтæ Default Thumbnail2020 азы спортивон æнтыстытæ Номарæн турнир Чемпионат – ленк кæнынæй 2016 азы сæйрагдæр спортивон цаутыл афæлгæст

Comments are closed, but trackbacks and pingbacks are open.