Хуссарирыстойнаг спортсментæ хорз бæрæггæнæнтæ равдыстой ленккæнынæй Пензайы уагъдцæуæг æппæтуæрæсейон ерысты. Бантыст сын 13 сыгъзæрин, 11 æвзист æмæ 9 бронзæ майданы рамбулын. Чиаты Михаил фыццаг бынæттæ бацахста 100 æмæ 200 метрмæ фæсонтыл ленккæнгæйæ. Афтæ ма фæуæлахиз 200 метрмæ уæгъдибар стилæй ленккæнгæйæ. Уый ма æвзист майдантæ та рамбылдта 50 метрмæ фæсонтыл ленккæнгæйæ, 100 метрмæ баттерфляйæ æмæ 100 метрмæ та комплексон ленк кæнынæй. Æртæ сыгъзæрин майдан ма бафтыд Гуыбаты Марияйы къухты. Уый баттерфляйы стилæй фæуæлахиз 50 æмæ 100 метрмæ, комплексон ленк кæнынæй та 100 метрмæ. Уымæй дарддæр ма дыккаг ссис 100 æмæ 200 метрмæ уæгъдибар стилæй ленк кæнынæй. Бронзæйон призер та ссис 50 метрмæ уæгъдибар стилæй ленк кæнгæйæ.
Æртæ сыгъзæрин майданы хицау ма ссис Бикойты Анастасия. Уымæн ахæм æнтыст йæ къухты бафтыд брассæй 50, 100 æмæ 200 метрмæ ленккæнгæйæ. 100 метрмæ комплексон ленккæнынæй та ацыдис æртыккаг бынатыл.
Дыууæ сыгъзæрин майданимæ та Цхинвалмæ æрæздæхт Уалыты Даянæ. Уый фæуæлахиз 100 метрмæ баттерфляй æмæ фæсонтæй ленк кæнгæйæ. Æвзист призер та ссис фæсонтыл ленккæнгæйæ. Æртыккаг бынæттæ та бацахста 50 метрмæ фæсонтыл æмæ баттерфляйæ ленккæнгæйæ.
Фыццаг бынат ма бацахста Тыджыты Дианæ. Уый та фæуæлахиз 200 метр-мæ фæсонтыл ленк кæнгæйæ. Æвзист при-зер ссис 50 æмæ 100 метрмæ фæсонтыл ленк кæнгæйæ. Баттерфля-йæ та 50 метрмæ ссис æртыккаг.
Уæлахиздзау ма ссис Уалыты Тамилæ. Фыццаг ссис баттерфляйы стилæй 200 метрмæ ленк кæнгæйæ. Ацы сти-лæй 100 метрмæ та ссис дыккаг. Бронзæ майдантæ та рамбылдта 50 метрмæ баттерфляйæ æмæ 100 метрмæ та фæсонтыл ленк кæнгæйæ.
Бронзæйон майдантæ 50 æмæ 200 метрмæ брассæй ленк кæнгæйæ рамбылдта Тедеты Сабина. Зæгъойты Артур æртыккаг ссис 50 метрмæ баттерфляйæ ленк кæнгæйæ.
Спортсменты ерыстæм бацæттæ кодтой тренертæ Евгения Терлеева æмæ Тототы Хасан.
ХУРИТЫ Батрадз
Comments are closed, but trackbacks and pingbacks are open.