Милицийы сæрмагонд нысаниуæджы къорды дæлхæйттæ планон цæттæдзинады фæлгæтты сарæзтой марш-бросоктæ æмæ къахæй ацыдысты бирæкилометрон дистанцитæ. Уыдысты хæстон экипировкæйы æмæ табелон æхсæнгæрзтимæ. Фæстиуджытæм гæсгæ хæстонтæ разындысты иттæг цæттæ се службæйон хæстæ æххæст кæнынмæ.
ОМОН-ы кусджытæ маршы уыдысты 170 адæймаджы бæрцæй æмæ ацыдысты ахæм маршрутыл – Уанат-Стырком-Залда-Сер. Æгасæй дистанци рауад 15 километрæй фылдæр. СОБР-ы кусджытæн та сæ дистанци рауад 12 километры æмæ сæ маршрут та уыд микрорайон «Солнечный»-йæ сæ дислокацийы пунктмæ.
Марш-бросокты рæстæджы ма хæстонтæ сæ цæттæдзинад æвдыстой тактикон элементтæ сæххæст кæнынæй дæр. Ахæм мадзæлттæ милицийы сæрмагонд нысаниуæджы дæлхæйттæн вæййынц арæх æмæ ахъаз сты сæ алыварсон цæттæдзинад бæрзонддæр кæнынæн.
ДЖИОТЫ Алыксандр