Техникон хынцынад æмæ техникон инвентаризацийы фадыджы куыст фæхуыздæр кæныны тыххæй

Республикæ Хуссар Ирыстоны Паддзахадон регистраци, кадастр æмæ кадастрон картографийы оптимизаци æмæ фæхуыздæр кæныны нысанæн æмæ «Æнæзмæлгæ исады бары паддзахадон регистрацийы, йемæ бадзурын æмæ кадастрон хынцынады тыххæй»  Республикæ Хуссар Ирыстоны закъоны  64-æм уацы 3-аг хай æххæст кæныны тыххæй уынаффæ кæнын:

  1. Республикæ Хуссар Ирыстоны Паддзахадон регистраци, кадастр æмæ картографийы службæмæ лæвæрд æрцæуæд техникон инвентаризаци æмæ техникон хынцынады фæдыл органты функцитæ.
  2. Республикæ Хуссар Ирыстоны Хицауадæн:

Республикæ Хуссар Ирыстоны Парламентмæ бахаст æрцæуæд «2018 азæн Республикæ Хуссар Ирыстоны паддзахадон бюджеты тыххæй» Республикæ Хуссар Ирыстоны закъонмæ ивындзинæдтæ бахæссыны тыххæй» Республикæ Хуссар Ирыстоны закъоны проект;

Республикæ Хуссар Ирыстоны Хицауады нормативон-барадон акттæ æркондæуæд ацы барамындмæ гæсгæ.

  1. Республикæ Хуссар Ирыстоны Юстицийы министрмæ сфидар кæнынмæ бавдыстæуæд Хуссар Ирыстоны Паддзахадон регистраци, кадастр æмæ кадастрон картографийы службæйы тыххæй уагæвæрд æмæ йæ структурæ æмæ кæройнаг штатон нымæцы фæдыл фæндæтты тыххæй уагæвæрды проект, ацы барамынды уагæвæрд бахынцгæйæ.
  2. Ацы барамынд йæ тыхы цæуы къух ыл æрфыссыны бонæй.

 

Республикæ Хуссар Ирыстоны Президент Бибылты Анатоли

г. Цхинвал,

2018 азы 5 июль

 

РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

Республикæ Хуссар Ирыстоны Юстицийы министрады уголовон-æххæстгæнæн системæйы фарстаты тыххæй

Республикæ Хуссар Ирыстоны Юстицийы министрады Æфхæрд æххæстгæнæн управленийы архайд фæхуыздæр кæныны нысанæн уынаффæ кæнын:

  1. Республикæ Хуссар Ирыстоны Юстицийы министрады Æфхæрд æххæстгæнæн управленийы сырæзт нымад æрцæуæд 2003 азы 6 мартæй.
  2. Республикæ Хуссар Ирыстоны Юстицийы министрады Æфхæрд æххæстгæнæн управленийы сконды уæвыныл нымад æрцæуæд уголовон æфхæрд æххæстгæнæг уагдон – Республикæ Хуссар Ирыстоны Юстицийы министрады Æфхæрд æххæстгæнæн управленийы Рарастгæнæн колони.
  3. Республикæ Хуссар Ирыстоны Юстицийы министрады Æфхæрд æххæстгæнæн управленийы Рарастгæнæн колонийы арæзт æрцæуæд изоляцигонд фадгуытæ иумиаг æмæ карз режимтæн.
  4. Æфхæрд æххæстгæнæн управленийы сконды уæвæг сæрибар фæзуæтты арæзт æрцæуæд Республикæ Хуссар Ирыстоны Юстицийы министрады Æфхæрд æххæстгæнæн управленийы хатæнтæ, кæцытæ кусдзысты фæдысгарæн изоляторы режимы.
  5. Республикæ Хуссар Ирыстоны Хицауад æртæ мæйы æмгъуыдмæ йæ актты æркæнæд ацы барамындмæ гæсгæ, афтæ ма æрбавдисæд фæндæттæ Республикæ Хуссар Ирыстоны Президенты актты ацы барамындтæм гæсгæ æркæныны тыххæй.
  6. Республикæ Хуссар Ирыстоны Юстицийы министрадмæ лæвæрд æрцæуæд:

æфхæрд æххæстгæнæн управленийы, Рарастгæнæн колони æмæ фæдысгарæн режимы цы хатæнтæ кусынц, уыдон структурæ æмæ штатон нымæцы проект;

уголовон-æххæстгæнæн системæйы кусджыты уæлдæр къухдариуæгады куысты бынæтты номхыгъды æмæ уыцы бынæттæн æмбæлон сæрмагонд нæмтты проект.

  1. Ацы барамынд йæ тыхы цæуы, официалонæй мыхуыры рацæуыны бонæй.

 

Республикæ Хуссар Ирыстоны Президент

 Бибылты Анатоли

г. Цхинвал,

2018 азы 5 июль

Ацы æрмæджытæ дæр бакæс:

Default ThumbnailРЕСПУБЛИКÆ ХУССАР ИРЫСТОНЫ ПРЕЗИДЕНТЫ  БАРАМЫНДТÆ Default ThumbnailРЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД Default ThumbnailРеспубликæ Хуссар Ирыстоны Президенты Барамындтæ Default ThumbnailРЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД Default ThumbnailРЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНДТÆ

Comments are closed, but trackbacks and pingbacks are open.