20-æм июны киноконцертон зал «Чермен»-ы горæты администрацийы æххуысæй сывæллæтты хореографон ансамбль «Ирон» равдыста концерт. Сывæллæттæ арæхстджынæй равдыстой сæ дæсныдзинад мадзалмæ æрбацæуджытæн æмæ сын стыр æхцондзинад радтой. Залы иу афтид бандон дæр нал уыд, æгæрыстæмæй ма æртæ боны размæ дæр билеттæ ссарæн нал уыд. Ансамблы аивадон къухдариуæггæнæг Хуыгаты Дианæ иттæг хорз бацæттæ кодта сывæллæтты æмæ равдыстой диссаджы концертон программæ. Хайад дзы райстой ансамблы æртæ къорд дæр, – чысылтæй райдайгæйæ суанг стыртæм. Сæ дæсныдзинад æвдыстой национ кафтытæ, зарджытæ æххæст кæнынæй. Мадзалмæ фæуазæг сты горæт Цхинвалы администрацийы сæргълæууæг Коцты Алан æмæ горӕты администрацийы культурӕйы, фӕсивӕды ӕмӕ спорты управленийы сæргълæууæг Тасойты Игорь.
Ансамбль «Ирон» арæзт æрцыд 2009 азы æмæ у паддзахадон ансамбль «Симд»-ы къабаз. Ныридæгæн ис горæт Цхинвалы мэрийы къухдариуæгады бын. Архайынц дзы сывæллæттæ фондз азы карæй уæлæмæ. Ансамбль хайад райста бирæ æппæтадæмон фестивалты æмæ арæх систы уæлахиздзаутæ æмæ лауреаттæ.
Джиоты Александр
Comments are closed, but trackbacks and pingbacks are open.