Объекттæ эксплуатацимæ рæстæгыл нæ радтыны тыххæй ивар цæудзысты подрядон организациты къухдариуæггæнджытæ

РХИ-йы Хицауады Сæрдар Пухаты Эрик ауагъта кусæгон æмбырд 2018-2019 азты РХИ-йы социалон-экономикон рæзтæн ахъазгæнæг Инвестпрограммæ реализаци кæныны фарстаты фæдыл.

«Мах хъуамæ æппæт дæр аразæм, цæмæй ацы аз экусплуатацимæ раттинаг цы объекттæ сты, уыдон арæзт æрцæуой гъæдджынæй æмæ рæстæгыл. Уый у нæ компетенцийы фадыг, мах дзуапп кæнæм нæ уæрæсейаг коллегæты раз, æмæ сæйраджыдæр та – нæ паддзахад æмæ нæ адæмы раз», – загъта Хицауады Сæрдар, подрядон организациты къухдариуæггæнджытимæ æмæ министрты кабинеты уæнгтимæ ныхас кæнгæйæ.

Уый ма банысан кодта, зæгъгæ, подрядон организациты къухдариуæггæнджытæ, кæцытæ объекттæ рæстæгыл эксплуатацимæ нæ раттой, баййафдзысты иварон санкцитæ сæ куыстмыздтæй сын ивары аргъ уромгæйæ.

«Уый æз нымайын æмфбæлон æфхæрдыл куысты график фехалыны тыххæй», -банысан кодта Пухаты Эрик.

Дарддæр æмбырды хайадисджытæ ныхас кодтой боны фæткы сæйраг фарстайыл.

Автомобилон фæндæгты арæзтад æмæ эксплуатацийы комитеты сæргълæууæг Гуыззыдтаты Эдуард æрныхас кодта ног арæзт фæндæгтæ экусплатацимæ радтыны тыххæй фарсты фæдыл.

Ныхас цыд, республикон æмæ районы фæндæгтæ æмæ уынгтæ балансы кæмæ хъуамæ уой, уымæ сæ  рæстæгыл эксплуатацимæ радтыны тыххæй.

Уымæй уæлдай ма, Паддзахадон унитарон куыстуат «Капиталон арæзтады управленийы» хистæр Джиоты Роберт банысан кодта, зæгъгæ, Хицауады сæргълæууæджы фæдзæхстмæ гæсгæ, аразджытæн бахæс кодтой фæндæгты хæрзарæзтады тыххæй куысты æрвылбонон график аразын.

Пухаты Эрик æр-домдта, цæмæй 25 сентябрмæ бавдисой æппæт бакæнгæ куысты тыххæй информаци.

Æмбырды рæстæджы ма раныхас кодта Арæзтад, архитектурæ æмæ цæрæнуатон-коммуналон хæдзарады министры хæстæ æххæстгæ-нæг Зæгъойты Эдуард арæзтадон объектты куыстыты ныры уавæры тыххæй, сæйраджыдæр, та Ленингоры поселочы газы, донифтонгады æмæ канализацийы инженерон хызæгты арæзтад æмæ дыууæ централон уынджы хæрзарæзтады тыххæй.

Куыд банысан чындæуыд, афтæмæй 430 абонентæй ног хызæгтæм иугонд æрцыд 260 бæрц. Ноябры æмбисмæ хызæгтæм иу æрцæудзысты иннæтæ дæр.

Уынгты хæрзарæзтады тыххæй, министр банысан кодта, зæгъгæ, Къудухты Бесикы номыл уынг цæттæ у асфальт кæнынмæ, Сталины уынджы та цæттæгæнæн куыстытæ фæуыдзысты октябры мæйы.

Ныхас ма цыд Ленингоры цардуагон дæтты биологион æгъдауæй сыгъдæг-гæнæн станцы экплуатацийы темæйыл. Республикон паддзахадон унитарон куыстуат «Водоканал»-ы гендиректор Цхуырбаты Аланы ныхæстæм гæсгæ, объект цæттæ у, хъæуы ма дзы кæцыдæр техникон фарстатæ аскъуыддзаг кæнын. Октябры мæйы план кæнæм фыццаг фæлварæн объект скусын кæнын.

Хицауады Сæрдары бацымыдис кодта, куыд цæуы куыст сыгъдæггæнæн ифтонгадæн специалисттæ цæттæ кæныны хъуыддаг. Цхуырбаты Алан куыд банысан кодта, афтæмæй операторы бынатмæ кандитат иу мæйы дæргъы кæндзæн ахуыр.

Æмбырды кæрон ма æруынаффæ кодтой Дзауы районы æрдзон æнамонддзинæдтæ аиуварс кæныны фарстатыл, цыран ацы бонты уыд тыхджын ихуард. Уый районы инфраструктурæ æмæ байтыдтытæн разиан кодта.