Маэстро Гергиты Валери хорзæхджын æрцыд Италийы Стъалыйы орденæй италиаг-уæрæсейаг культурон бастдзинæдты рæзтмæ йе стыр æмæ æдзухон хайбавæрды тыххæй. Хорзæх дæттыны церемони уагъд æрцыд Мæскуыйы РХИ-йы минæварады.
«Ацы орденæй, Гергиты Валерийы хорзæхджын кæнгæйæ, Италийы фæнды равдисын маэстромæ йе стыр бузныгдзинад нæ бæстæты ‘хсæн культурон бастдзинæдты рæзтмæ йæ хайбавæрды тыххæй. Æндæр адæмтæ сæ кæрæдзийы ‘хсæн къултæ куы амайынц, уыцы рæстæджы маэстройы та схонæн ис хидты аразæгæй Итали æмæ Уæрæсейы ‘хсæн», – загъта Уæрæсейы Италийы минæвар Паскуале Терраччано.
Йæ рады Гергиты Валери банысан кодта, зæгъгæ, ацы хорзæх уымæн у стыр кад. «Æз тынг бузныг дæн сымахæй. Нæ бæстæтæн ис рагæй фæстæмæ арф бастдзинæдтæ, мах Уæрæсейы дисы æфтауынц Италийы культурон хъæздыгдзинæдтæ æмæ бынтæ. Мæн уырны, ницахæм политикон кризистæ кæй нæ аивдзысты нæ бæстæты ‘хсæн хæларадон ахастытæ», – загъта уый.
Comments are closed, but trackbacks and pingbacks are open.