Республикæ Хуссар Ирыстоны æмæ Луганскы Адæмон Республикæйы Парламентты Сæрдæрттæ Гасситы Петр æмæ Денис Мирошниченко Луганскы сæ къухтæ æрфыстой æхсæнпарламентон æмкуысткæнынады тыххæй сразыдзинадыл.
Денис Мирошниченко куыд банысан кодта, афтæмæй срызыдзинадыл къухтæ æрфыссын тынг ахсджиаг у хицауиуæгады закъондæттынадон къабазæн.
«Абон тынг ахсджиаг момент у хицауиуæгады закъондæттынады къабазæн. Уый ахсджиаг у æрмæст бæрæг гæххæттытыл къухтæ æрфыссынæй нæ, фæлæ уый руаджы нæ коллегæтæн фæзындзæн фадат кæрæдзийы иу кæнæ æндæр фæлтæрддзинадыл ахуыр кæнынæн. Уый у уыцы радон къахдзæф, кæцы хъуамæ фæахъаз уа не ‘хсæнадон организацитæн, фæсивæдон организацитæн кæрæдзийы фæлтæрддзинадимæ зонгæ кæнын æмæ æмгуысткæнынады хъуыддаджы», – загъта Мирошниченко.
Гасситы Петр Хуссар Ирыстоны Президент Бибылты Анатолийы æмæ æппæт депутатон корпусы номæй церемонийы хайадисджытæ æмæ уазджытæн загъта «зæрдæбын салæмттæ æмæ иууыл хуыздæр фæндиæгтæ».
«Абон мах нæ къухтæ хъуамæ æрфыссæм ахæм документыл, кæцы æхсæнпарламентон ахастыты у тынг ахсджиаг. Документ у хуымæтæг, уым цъус пункттæ ис, уый у йæхирдыгонау «стæгдар», кæд уæ фæнды, уæд сæйрагдæр дур, кæцы бындурæн æвæрд æрцæудзæн нæ дарддæры ахастытæн. Æмæ æрмæстдæр нæхицæй кæнгæ у, уыцы «стæгдарыл фыдтæ æрзайдзæн» æмæ æххæстхъомыс организм суыдзæн æви нæ», – загъта Хуссар Ирыстоны Парламенты Сæрдар.
Гасситы Петр æрсидт Луганскы Адæмон Республикæйы Адæмон Советы депутаттæм ахæм куырдиатимæ, цæмæй ацы документ «ма баззайа, къухтæ кæуыл æрфыстæуыд, ахæм рæсугъд гæххæттæй».
Республикæ Хуссар Ирыстоны Парламенты
Информацион-аналитикон службæ
Comments are closed, but trackbacks and pingbacks are open.