Нæ республикæйы иунæг ирон газет «Хурзæрин» фæхæццæ кæны йæ 100 азы юбилеймæ. Æппæт уыцы азты уый кæддæ-риддæр уыдис йæ адæмимæ – сæ цины хъуыддæгты æмæ сæ уæззау трагикон бон-ты дæр. Уыдис ахæм рæстæджытæ æмæ, зæгъæн ис, алы бинонтæм дæр куы хæццæ кодта. Абон, хъыгагæн, уавæр бæллиццаг нæу. Бирæ бинонтæм уый фæндаг нал ары æмæ йæ сæ къухмæ нал райсынц. Афтæмæй бирæбæрцæй иппæрд кæнынц ирон аив, мыхуырон дзырдæй – нæхимæ, стæй нæ алыварс цы хабæрттæ цæуы, уыдоны сæ мадæлон æвзагыл нæ кæсынц. Мадæлон æвзагæн та нацийы царды цы нысаниуæг ис, уый бæлвырд кæнын нæ хъæуы.
Нæ мадæлон æвзагыл чи цæуы, уыцы газет рафыссын æмæ кæсын махæй алкæмæндæр хъуамæ уа йæ æмбæстагон æмæ патриотон хæс. Уæдæ равдисæм нæ æнувыддзинад нæ мадæлон æвзагыл æмæ рафыссæм газет «Хурзæрин» йæ дыккаг æнусы фыццаг азæн.
Газет рафыссыны аргъ иу азæн у 660 сомы, æрдæг азæн та 330 сомы.
Табуафси, рафыссут æмæ кæсут газет «Хурзæрин».
