ХАЙАД РАЙСДЗÆН ОПЕРОН ФЕСТИВАЛЫ
Зындгонд ирон оперон зарæггæнæг Джиоты Вероникæ хайад райсдзæн Италийы Пуччинийы престижон оперон фестивалы. Уый сæххæст кæндзæн оперæ «Турандот»-ы парти, кæцыйы премьерæ уыдзæн 13-æм июлы тосканскаг горæт Торре дель Лагойы. Уым ныр 65 азы дæргъы уагъд фæцæуы оперон фестиваль стыр композитор Джакомо Пуччинийы ном ссарыны сæраппонд. Ацы горæты уый арвыста йæ царды 30 азы æмæ сфæлдыста йæ хуыздæр уацмысты. Фестивалы программæмæ гæсгæ, Джиоты Вероникæйы ха-йадистæй оперæ «Турандот»-мæ Торре дель Лагойы бакæсæн уыдфзæн æртæ хатты – 13-æм июлы премьерæйы боны, афтæ ма 19 июлы æмæ 17 августы.
Æрвылаз дæр Тосканайы Пуччинийы оперæтæ равдисынц Ла Скала, Римская опера æмæ дунеон æндæр театртæ. Дунейы хуыздæр хъæлæстæ сæхицæн кадыл нымайынц ацы фестивалы хайад райсын.
Джиоты Вероникæ у Цхинвалæй рацæугæ. 2000-2005 азты ахуыр кодта Санкт-Петербурджы консерваторийы. 2006 азы йæ карьерæ райдыдта оперæ æмæ балеты Новосибирскы театры. 2010 азæй ралæууы Стыр театры сценæйыл, æрбахонгæ солисткæйы хуызы. Ирон зарæггæнæг у Уæрæсейы æмæ Республикæ Цæгат Ирыстон-Аланийы сгуыхт артисткæ.
СÆХИ ЦÆТТÆ
КÆНЫНЦ УÆЛАХИЗЫ ПАРАДМÆ
РХИ-йы Мидхъуыддæгты министрад йæхи цæттæ кæны Уæлахизы парадмæ. Æфсæддон парады хайад райсдзысты мидхъуыддæгты органты 150 кусæджы бæрц. Фыццаг тренировкæтæ райдыдтой 4-æм гвардион æфсæддон базæйы плацыл. Парадон расчеттæ кусынц рæнхъæй цæуын къахдзæфтæ сахуыр кæныныл æмæ тырысатæ рахæссыныл.
«Традицион æгъдауæй парады хайад райсдзысты сылгоймæгты парадон расчет æмæ милицийы сæрмагонд нысаниуæджы къорды хæстонтæ. Механизацигонд колон-нæйы сконды рацæудзысты Милицийы сæрмагонд нысаниуæджы къорды бронетехникæ – БТР-80».
Театралон фæзуаты генералон репетицитæ уагъд æрцæудзысты Уæлахизы парадæй цалдæр боны размæ.
ИРЫСТОНЫ ХЪАЙТАРТЫ ПОРТРЕТТÆ
РАХÆСДЗЫСТЫ ЧУКОТКÆЙЫ
Чукоткæйы скъоладзаутæ рацæудзысты «Æнæмæлгæ полк»-ы сконды ирон хъайтарты портреттимæ. Акци уагъд æрцæудзæн Уэлены хъæуы – Уæрæсейы иууыл дæрддагдæр бынæттæй сæ иуы.
Скъоладзаутæ рахæсдзысты Плиты Иссæйы, Мамсыраты Хадзы-Умары, Хетæгкаты Георгийы æмæ Ирыстоны æндæр зынгдгонд хъайтарты портреттæ. Патриотикон клуб «Родина»-йы къухдариуæггæнæг Къарданты Тимуры ныхæстæм гæсгæ, ахсджиаг у, цæмæй ирон хæстонты зоной бæстæйы æппæт къуымты.
Уэлены хъæуккаг скъоладзаутæ дæргъвæтин рæстæджы цымыдис кæнынц Ирыстоны историмæ. Уыдон арæх хайад фæисынц бирæ акциты, кæцытæ баст вæййынц республикæимæ, раарфæ кæнынц Ирыстоны цæрджытæн алыгъуызон бæрæгбонты сæраппонд. Ацы аз сывæллæттæ план кæнынц республикæ бабæрæг кæнын. «Уыдон райдыдтой Ирыстоны истори æмæ культурæ ахуыр кæнын, æгæрыстæмæй, сахуыр кодтой ирон æвзаджы иуæй-иу ныхæстæ. Ацы сывæллæттæй стæмтæ ацæуынц, æгæрыстæмæй, сæ районæй дарддæр, уымæн æмæ сын ис стыр территоритæ. Цæгат Ирыстоны бабæрæг кæндзысты, тынг хорз чи ахуыр кæны, уыцы ахуырдзаутæ æмæ активисттæ. План кæнынц ацы азы сæрды æрцæуын», – радзырдта Къарданты Тимур.
Республикæйы сывæллæттæн сорганизаци кæндзысты экскурситæ хæхтæм. Сæрма-гондæй, скъоладзаутæ бацæудзысты Камунтамæ – иууыл бæрзонддæр хæххон цæрæн пунктмæ, цыран æрвылаз дæр уагъд æрцæуы «Æнæмæлгæ полк»-ы цыд.
Comments are closed, but trackbacks and pingbacks are open.